Ֆրանսիայի հայկական օրինագիծը անհագստացրել է Թուրքիային

Միջազգային07:16, 17 Ապրիլ 2013

Ֆրանսիայի հայկական օրինագիծը անհագստացրել է Թուրքիային

Թուրքիայի փոխվարչապետ Բյուլենթ Արընչը հարցազրույց է տվել ֆրանսիական «Le Figaro» թերթի կայքէջին: Տեղեկացնում է թուրքական «Զաման» օրաթերթը:

Փոխվարչապետ Արընչը հայտնել է, որ Թուրքիան ֆրանսիական խորհրդարանի կողմից ընդունված, սակայն սահմանադրական դատարանի կողմից մերժված Հայոց ցեղասպանության ժխտումը քրեականացնող օրինագծի նորից օրակարգ չգալու համար երաշխիքներ է սպասում Ֆրանսիայից:

«Լե Ֆիգարոյի» կայքում զետեղված Արընչի հարցազրույցում Հայոց ցեղասպանության վերաբերյալ հարցին հետևյալ պատասխանն է տրվել. «Ֆրանսիայի նախագահ Ֆրանսուա Օլանդի վերաբերմունքն ինչ էլ որ լինի, պետք է բացեիբաց ներկայացվի»:

Էրդողանի տեղակալը խոստովանել է, որ Ֆրանսիայի սահմանադրական դատարանի կողմից մերժված օրինագիծը փոփոխված տարբերակով օրակարգ բերվելու հավանականությունն իրոք անհանգստացրել է Թուրքիային: Արընչի տեղեկացմամբ` հաստատվել է նախագահ Օլանդի Թուրքիա այցելելու ժամանակացույցը, որը տեղի կունենա մայիսի վերջին կամ հունիսի սկզբին:

Ermenihaber.am