ERMENI HABER AJANSI

Թուրքի հայտնի դաշնակահար Ֆազիլ Սայը սոցիալական կայքերում հակաիսլամական գրառումներ կատարելու համար դատարանի որոշմամբ դատապարտվել է 10 ամսվա բանտարկության: Նրա նկատմամբ առաջադրված մեղադրանքը ձևակերպվել է Թուրքիայի քրեական օրենսգրքի` կրոնական արժեքները ոտնահարելու մասին դրույթներով:

Դաշնակահարը նշել է, որ ինքը հալածվում է թուրք հասարակության կողմից այն բանից հետո, երբ հայտարարել է, թե աթեիստ է:

Այս խնդրին անդրադարձել է թուրքական «Hurriyet» օրաթերթի հայտնի սյունակագիր Ահմեթ Հաքանը: Նա քննադատական ծաղրի է ենթարկել թուրքական պետության` իբր կրոնական, ազգային ու մշակութային արժեքների պաշտպան լինելու իմիտացիան: Վերլուծաբանը նկատել է տալիս հետևյալը.

«Լսողներն էլ կկարծեն, թե մեր երկրում

- Հավատացյալների հանդեպ հարգանքը գտնվում է ամենաբարձ մակարդակի վրա:

- «Հայ» բառը չեն կիրառում որպես հայհոյանք:

-Աթեիստներին արհամարահանքով ու նսեմաբար չեն վերաբերվում:

- «Սրանք զրադաշտ են» արտահայտությունն օգտագործելով բոլորովին չեն նսեմացնում զրադաշտականությունը:

- Մի հսկայական քաղաքի գյավուր անունով որակողներին տեղը տեղին ամոթանք են տալիս:

- Ամեն գաղափարախոսության, ամեն հավատքի, ամեն արժեքի հանդեպ հարգանք է ցուցաբերվում»:

Իրականում, իհարկե, Թուրքիայում արժեզրկվում են շատ բաներ, որոնց մասին դատարանները լռում են: Ու ըստ հոդվածագրի` այնպես չէ, որ Թուրքիայում բոլորը ծայրաստիճան քաղաքավարի, բարեկիրթ ու հանդուրժող են և միայն դաշնակահար Ֆազիլն է կոպիտ գտնվել ու ոտնահարել այլոց կրոնական արժեքները: 

Ermenihaber.am