Թուրքիայում նկատվում է գրատպության աճ. 2012-ին` 39.367 գիրք

Մշակութային08:25, 19 Ապրիլ 2013

Թուրքիայում նկատվում է գրատպության աճ. 2012-ին` 39.367 գիրք

Թուրքիայում արձանագրվել է գրատպության 3 տոկոսանոց աճ` 2011 թվականի համեմատությամբ: 2012 թվականին հրատարակվել է 39.367 գիրք: Այս մասին տեղեկացնող թուրքական «Աքշամ» օրաթերթը հայտնում է նաև, որ Թուրքիայում զգալի արագությամբ զարգանում է նաև էլեկտրոնային գրքերի կազմման և թողարկման գործը:

Թեև Թուրքիան ընթերցանության մակարդակով դեռևս հետնապահ է եվրոպական երկրների շարքում, այնուամենայնիվ, համակարգչային ու համացանցային նորագույն տեխնոլոգիների ակտիվ ներդրման և կիրառման շնորհիվ 2012-ին կարողացել է արձանագրել 152.4 տոկոսանոց աճ էլեկտրոնային գրքերի հրապարակման գործում:

Թուրքիայի վիճակագրական ծառայությունը հրապարակել է «Գրքի միջազգային ստանդարտ համարակալման» (ISBN)-ի տվյալները, համաձայն որոնց, 2012-ին այդ երկրում թողարկվել է 2.617 էլեկտրոնային գիրք: Զգալիորեն ավելացել է մասնավոր սեկտորի ներգրավվածությունը: Գրատպության 88 տոկոսը մասնավոր նախաձեռնությունների արդյունք է, 8.6 տոկոսը` գիտակրթական հաստատությունների գործունեության: Իսկ 3.4 տոկոսը բաժին է ընկել հասարակական կազմակերպություններին:

Ermenihaber.am

Այս ենթաբաժնի վերջին նորությունները

11:55, 15 ապր

Թուրքիայում կհեռարձակվի առաջին հայկական սերիալը

Սերիալը կհեռարձակվի «Լույս TV»-ի եթերում՝ հայերեն հնչողությամբ և թուրքերեն ենթագրով։

15:20, 11 ապր

Բուրսայում փլուզման եզրին գտնվող 300-ամյա հայկական եկեղեցին կվերածվի մշակութային կենտրոնի

Եկեղեցուն զուգահեռ վերանորոգվելու է հարակից տարածքում գտնվող և նախկինում ÇEK-ի կողմից շահագործված շենքը, որը ևս մշակութային կենտրոնի մի մասն է կազմելու: