Թուրք աշակերտները սոված ու անքուն են գնում դպրոց

Միջազգային09:40, 15 Մայիս 2013

Թուրք աշակերտները սոված ու անքուն են գնում դպրոց

Հրապապարակվել է ԱՄՆ-ի Բոսթոնի քոլեջի կողմից կատարված ուսումնասիրության արդյունքները, որոնց համաձայն Թուրքիայում երեխաների անբավարար սննդի և քնի պատճառով ուսումնական գործընթացը այնքան էլ հաջողությամբ չի ընթանում: Ոսումնասիրությունը ցույց է տվել, որ և՛ անբավարար քնի, և՛ անլիարժեք սնման խնդիրը ավելի արտահայտված է հատկապես ցածր և միջին դասարաններում սովորող աշակերտների մոտ:

Թուրքական «Միլլիյեթ» պարբերականի փոխանցմամբ՝ եթե աշխարհում 9-10 տարեկան երեխաների շրջանում անբավարար քնի վատ ազդեցությունը մաթեմաթիկա առարկայի վրա հասնում է 47%-ի, ապա Թուրքիայում այն կազմում է 65%: Այս ցուցանիշով բավական վատ դիրքեր են գրավում նաև ԱՄՆ-ը, Անգլիան և Սաուդյան Արաբիան: Որպես հիմնական պատճառ նշվում է այն հանգամանքը, որ երեխաների գիշերային ժամերն անցկացնում են համակարգչի առաջ կամ զբաղվում բջջային հեռախոսով:

Անբավարար սնվելու ցուցանիշի միջինը ողջ աշխարհում կազմել է 29%, իսկ Թուրքիայում՝ 74%: Այս ցուցանիշով Թուրքիային հաջորդում են Իրանը, Հայաստանը և Ռումինիան, իսկ ամենաշահեկան դիրքում Ղազախստանն է՝ 19 %:

Ուսումնասիրության համաձայն աշխարհում ամենավատն են սնվում ԱՄՆ-ի (78%), Իրանի(70%), և Թուրքիայի(68%) աշակերտները:

Ermenihaber.am