Թուրքիա. Բանտի վերածված եկեղեցում բանտարկության էին դատապարտված նաև սրբապատկերները

Մշակութային10:58, 23 Մայիս 2013

Թուրքիա. Բանտի վերածված եկեղեցում բանտարկության էին դատապարտված նաև սրբապատկերները

Թուրքիայի Քարաման քաղաքում գտնվող 400-ամյա պատմական եկեղեցին վերանորոգումից հետո վերածվում է արվեստի կենտրոնի:

Քարամանի զբոսաշրջության ու մշակույթի վարչության պետ Ջենգիզ Օրթանը թուրքական «Անադոլու» (AA) լրատվական գործակալության թղթակցի հետ զրույցում նշել է, որ եկեղեցին գտնվում է Քարամանի ամենահին թաղամասերից մեկում` Թափուջաքում: Այստեղ առաջին աշխարհամարտից առաջ թուրքերի հետ միասին ապրել են նաև հայեր և հույներ: Թաղամասում կողք կողքի եղել են եկեղեցի, մզկիթ, բաղնիք, թուրքերի, հայերի , հույների տներ:

Ըստ Օրթայի` ենթադրվում է, որ եկեղեցին կառուցվել է 1700-ականներին : Խաչաձև հատակագծով այդ եկեղեցին տարիներ շարունակ օգտագործվել է, որպես բանտ:

Այդ տարիներին եկեղեցու ներսը ամբողջովին բետոնապատվել է: Եվ երբ 2007թ Քարամանի զբոսաշրջության ու մշակույթի վարչության նախաձեռնությամբ եկեղեցում սկսել են վերանորոգման աշխատանքներ իրականացնել, բետոնի տակից սկսել են դուրս գալ սրբապատկերները և նախշերը:

«Բանտարկյալների հետ միասին, կարծես սրբապատկերները նույնպես բանտարկված են եղել», -ասում է Օրթան:
Ներկայումս եկեղեցին ծառայում է, որպես արվեստի սրահ`ցուցահանդեսների, համերգների և այլ մշակութային միջոցառումների համար:

Ermenihaber.am

Այս ենթաբաժնի վերջին նորությունները

18:05, 20 նոյ

Կարսի մարզպետարանը բարեկարգում է Անիի ավերակներ տանող ճանապարհը

հայոց միջնադարյան մայրաքաղաքը շարունակում է մեծ ուշադրության արժանանալ տեղացի ու օտարերկրյա զբոսաշրջիկների կողմից։

14:22, 18 նոյ

Թուրքական թատերական խմբակը Երևանում հանդես եկավ սարոյանական ներկայացմամբ (Տեսանյութ)

Թատերական խմբակի ղեկավար Էրթյուրք Էրքեքը ներկայացման վերջում պատասխանել է հանդիսատեսի հարցերին։

10:15, 07 նոյ

Ղրղզստանի մայրաքաղաքում թուրքական մշակույթի կենտրոն է բացվել

«Մենք այստեղ ենք՝ ներկայացնելու մեր լեզուն, մշակույթը և կիսելու մեր ընդհանուր ժառանգությունը»,-ասվել է Յունուս Էմրեի անվան համալսարանի սոցցանցյան գրառման մեջ։