Իրավական09:17, 24 Մայիս 2013
Արդո՞ք Սամաթիայում Մուրադ Նազարյանից բացի այլ հանցագործ էլ է գործել
Թուրքական «Ռադիկալ» թերթի փոխանցմամբ Ստամբուլի Սամաթիա թաղամասում 84-ամյա Մարիցա Քյուչուքի սպանությունից հետո ձերբակալված հայազգի Մուրադ Նազարյանը մեղադրվում է միայն Քյուչուքի սպանության համար:
Հաղորդվում է, որ Սամաթիայում հարձակման ենթարկված կանանցից Սուլթան Այքարը հետ է վերցրել իր դիմումը: Հարձակման ենթարկված մյուս երկու կանանց գործով էլ Նազարյանը որևէ գործընթացի մեջ չի ներգրավվել:
Սամաթիայի դեպքերի հարցով զբաղվող փաստաբան Էրեն Քեսքինը հետևյալ կերպ է մեկնաբանել Նազարյանի գործում առկա զարգացումները. «Ականատեսների նկարագրություններից ելնելով՝ ես չեմ հավատում, որ այդ հանցագործությունը կատարվել է մի մարդու կողմից: Ես կարծում եմ, որ թերի հետաքննություն է անցկացվել: Մի հայ հանցագործ են բռնել ու գործը ծածկել»:
Թերթը նշում է, որ այս պարագայում մարդկանց մոտ հարց է առաջանում, թե արդյոք Մուրադ Նազարյանից բացի այլ հանցագործ էլ է գործել Սամաթիայում:
Նշենք, որ Սամաթիայի գործը հետաքննող անվտանգության ստորաբաժանումներն արտահայտվել են բոլոր չորս հարձակումների՝ Նազարյանի կողմից կատարված լինելու օգտին, իսկ մեղադրական եզրակացության մեջ վերջինիս մեղադրանք է առաջադրվել միայն Մարիցա Քյուչուքի սպանություն համար: Նազարյանի՝ մյուս երեք հարձակման հետ կապ ունենալու մասին ոչինչ նշված չէ:
Ermenihaber.am
Այս ենթաբաժնի վերջին նորությունները
Միջազգային քրեական դատարանն Իսրայելի վարչապետին և նախկին պաշտպանության նախարարին «պատերազմական հանցագործության» մեղադրանքով ձերբակալելու որոշում էկայացրել։
ԱՄՆ-ի ֆինանսների նախարարությունը հրապարակել է Պաղեստինի Գազայի հատվածում իշխող «ՀԱՄԱՍ» խմբավորման անդամների նոր ցուցակ, ովքեր հայտնվել են պատժամիջոցների տակ։
Իր հարազատների հետ քուրդ դատապարտյալի հեռախոսազրույցն անջատվել է քրդերեն խոսելու պատճառով։
Ուղիղ խոսք
Անկարայում հարձակում TUSAŞ-ի վրա․ մանրամասներ և վերլուծություն
ամենաշատ ընթերցված
Օրացույց
Հարցումներ
Այս տարի կբացվի՞ հայ-թուրքական սահմանը 2 երկրների քաղաքացիների համար:
արտարժույթ
| EUR | TRY | USD |
| 549.84 | 90.05 | 485.12 |