Թուրք պատգամավորն Օջալանին խորհուրդ է տալիս մնալ բանտում, այլապես…

Տարածաշրջան08:19, 05 Հուլիս 2013

Թուրք պատգամավորն Օջալանին խորհուրդ է տալիս մնալ բանտում, այլապես…

«Ազգայնական շարժում» կուսակցության (ԱՇԿ- MHP) պատգամավոր Օզջան Յենիչերին «Քուրդիստանի բանվորական» կուսակցության (ՔԲԿ-PKK) առաջնորդ Աբդուլլահ Օջալանին խորհուրդ է տալիս ազատության մեջ չմնալ, քանի որ ոչ ոք նրա անվտանգությունը չի կարող երաշխավորել:

Այս մասին ազգայնական պատգաավորը հայտարարել է ԹԱՄԺ-ում (Թուրքիայի ազգային մեծ ժողով) կազմակերպված մամուլի ասուլիսի ժամանակ:
Ասուլիսի ընթացքում Յենիչերին խոսել է նաև «Քուրդիստանի բանվորական» կուսակցության Թուրքիայից հեռանալու գործընթացի մասին` պնդելով, որ ՔԲԿ-ն ոչ միայն չի նահանջում, այլև հակառակը` ավելի ռազմավարական վայրեր է տեղափոխվում:

Թուրքական «Վաթան» թերթը փոխանցում է, որ ԱՇԿ պատգամավորը Լիջեում տեղի ունեցած դեպքերը նույնպես կապում է ՔԲԿ-ի հետ:
«Լիջեի դեպքերը ցույց են տալիս, որ ՔԲԿ-ի «նահանջը» ոչ այլ ինչ է, քան քարոզչության դրսևորում և որ ՔԲԿ-ն ունակ է ցանկացած պահի տարածաշրջանում քաոս և անարխա ստեղծել»:

Յենիչերին, խոսելով Օջալանի մասին, ուշագրավ հայտարարություն է արել: Ըստ նրա` կառավարությունը Օջալանին ազատ արձակելու համար բանաձևերի փնտրտուքների մեջ է: Դիտարկվում են այնպիսի տարբերակներ, ինչպիսիք են` Օջալանի առևանգումը, նոր դատավարության բացումը և առողջական խնդիրների փաստարկով ցուցաբերվող հնարավորությունները:

«Կառավարությունը որպես ամենահեշտ ճանապարհ կարող է ընտրել առողջական խնդիրների տարբերակը:

Ես Օջալանին խորհուրդ չեմ տա ազատության մեջ մնալ: Ամենալավ ապրելու վայրը բանտն է: Դուրս գալու պահից սկսած ոչ ոք ներառյալ նաև Էրդողանը չեն կարող ապահովել նրա կյանքի անվտանգությունը»,- հայտարարել է Յենիչերին:

Ermenihaber.am