Թուրքիայում հայկական պատմական կառույցները չեն գրանցում

Մշակութային07:16, 10 Հուլիս 2013

Թուրքիայում հայկական պատմական կառույցները չեն գրանցում

Թուրքական «Էվրենսել» լրատվական կայքը ներկայացրել է Թուրքիայում հայկական գյուղի պատմական շինությունների անմխիթար վիճակը և պետական կառույցների ցուցաբերած անտարբերությունը:
Բինգյոլի Գենչ շրջանի Գյոզեթեփե (Ավնեք) գյուղի պատմական կառույցը, ի հեճուկս նահանգի մշակութային վարչության ուղղված դիմումների, ո´չ ուսումնասիրում են գրանցելու համար, ո´չ էլ վերակառուցում: Գյուղացիները պատմում են, որ մի հայ Ավնեք անունով ասում է, որ այնպիսի մի աշտարակ է կառուցելու, որ Դիարբեքիրի պարիսպները տեսնի: Նա նախ սկսում է առանձնատունը կառուցել, հետո ացնում է աշտարակին: Աշտարակի կառուցման աշխատանքների ժամանակ էլ իրականացվում է 1915-ի հայերի աքսորը: Ասում են, որ Աշտարակի վրա հարձակման ժամանակ ճարտարապետը ընկնելով մահացել է:

Գյուղի գյուղապետ Մեհմեթ Դողանը տեղեկացնելով, որ աշտարակի վայրում հետագայում տներ են կառուցվել, պատմել է. «Հայկական աքսորի ժամանակ այստեղի գյուղացիների ճնշումների պատճառով հայերը այս վայրերը ստիպված եղան լքել: Առանձնատան ներսի կողմում ժամանակին մի դուռ կար: 12 աստիճան ունեցող սանդուխք կար, որը տանում էր նկուղ: Կենդանիները, այդ դռնից իջնելով, էլ չէին կարողանում հետ գալ: Դաշտի ժողովուրդը, որպիսզի կենդանիները ներս մտնելով այնտեղ չմնան, այդ մուտքը քարերով փակել է: Ժամանակի ընթացքում անտերության մատնված աշտարակը փլուզվել է: Սենյակները ամբողջական վիճակում էին, ժողովուրդը քանդեց, քարերը տարավ, որոշ պատեր էլ քանդել են գանձ որոնողները»:
Գյուղապետը նշել է, որ մինչև 1999 թվականը մի քանի անգամ Բինգյոլի նահանգային մշակութային վարչություն և նահանգապետարան դիմումներ էր ներկայացրել աշտարակը վերանորոգելու և զբոսաշրջիկների առջև բացելու համար, սակայն որևէ պատասխան չէր ստացել:

Հարցի վերաբերյալ Բինգյոլի նահանգային մշակութային վարչության պետ Շևքեթ Բողաթեքինը հայտնել է, որ ինքը 1999 թվականից հետո է ստանձնել պաշտոնը և տեղյակ չէ վերոնշյալ դիմումների մասին: «Նշված գյուղում պաշտոնապես գրանցված որևէ պատմական կառույց մեր մոտ հայտագրված չէ»,- հավելել է մշակութային վարչության պետը:

Ermenihaber.am

Այս ենթաբաժնի վերջին նորությունները

18:05, 20 նոյ

Կարսի մարզպետարանը բարեկարգում է Անիի ավերակներ տանող ճանապարհը

հայոց միջնադարյան մայրաքաղաքը շարունակում է մեծ ուշադրության արժանանալ տեղացի ու օտարերկրյա զբոսաշրջիկների կողմից։

14:22, 18 նոյ

Թուրքական թատերական խմբակը Երևանում հանդես եկավ սարոյանական ներկայացմամբ (Տեսանյութ)

Թատերական խմբակի ղեկավար Էրթյուրք Էրքեքը ներկայացման վերջում պատասխանել է հանդիսատեսի հարցերին։

10:15, 07 նոյ

Ղրղզստանի մայրաքաղաքում թուրքական մշակույթի կենտրոն է բացվել

«Մենք այստեղ ենք՝ ներկայացնելու մեր լեզուն, մշակույթը և կիսելու մեր ընդհանուր ժառանգությունը»,-ասվել է Յունուս Էմրեի անվան համալսարանի սոցցանցյան գրառման մեջ։