Հակառակ Պատրիարքարանի բողոքներին` «Սանասարյան հանը» վարձակալության հանձնվեց

Իրավական18:06, 18 Հուլիս 2013

Հակառակ Պատրիարքարանի բողոքներին` «Սանասարյան հանը» վարձակալության հանձնվեց

Թուրքական «Դեմոկրատ հաբեր» էլեկտրոնային օրաթերթը, հղում անելով Թուրքիայում հրատարակվող հայկական «Ակօս» թերթին, հաղորդում է, որ հակառակ Պոլսի Հայոց պատրիարքարանի բողոքներին` «Սանասարյան հան»-ի համար հայտարարած աճուրդը տեղի է ունեցել:

Ստամբուլի Հիմնադրամների գլխավոր վարչության կողմից անցկացված մոտ 2 ժամ տևած աճուրդում շենքը վարձակալության է հանձնվել: Վարձակալության իրավունքը շահած ընկերությունը շենքի համար նշված մեկ ամսվա դիմաց նախնական 120 հզ. թուրքական լիրա գինը բարձրացնելով 253 հզ.-ի, շահել է վարձակալության իրավունքը: Ընկերության պատասխանատուները հայտարարել են, որ վարձակալության պայմանագիրը ուժի մեջ է մտնելու ստորագրման պահից սկսած:

Պոլսի Հայոց պատրիարքարանը «Սանասարյան հան»-ի համար պայքարը շարունակում է իրավական դաշտում: Այս առիթով Պատրիարքարանի շահերը ներկայացնող փաստաբան Ալի Էյբելօղլուի տարածած հայտարարության մեջ ասվում է, թե իրենք հույս ունեն, որ դատարանը չեղյալ կհամարի Հիմնադրամների գլխավոր վարչության կողմից կայացրած որևէ օրինական հիմք չունեցող այս որոշումը:

Նշենք, որ «Սանասարյանի հան» անվանումով այս շենքը, որը հայ համայնքին վերադարձնելու համար հայցով դատարան էր դիմել Պոլսի Հայոց պատրիարքարանը, կառուցվել է 1881 թվականին Էրզրումցի հայ վաճառական Մկրտիչ Սանսարյանի կողմից: Ստամբուլում հիմնադրված այս շենքը նպատակ է ունեցել Իզմիրում բացված նույնանուն դպրոցի համար եկամուտ ապահովել: Շենքի կառավարման իրավունքը հանձնվել է Սանասարյան հիմնադրամին, իսկ հիմնադրամի ղեկավարումը` Պոլսո Հայոց պատրիարքին: Հանրապետական Թուրքիայի կողմից շենքի բռնազավթումից հետո այն օգտագործվել է որպես Ստամբուլի ոստիկանության շենք, այնուհետև այստեղ է կենտրոնացել տնտեսական դատարանը:

Ermenihaber.am

Այս ենթաբաժնի վերջին նորությունները

11:59, 22 նոյ

Թուրքիան ներառված չէ այն երկրների ցանկում, որտեղ Իսրայելի վարչապետը չի կարող մեկնել

Միջազգային քրեական դատարանն Իսրայելի վարչապետին և նախկին պաշտպանության նախարարին «պատերազմական հանցագործության» մեղադրանքով ձերբակալելու որոշում էկայացրել։

13:07, 20 նոյ

ԱՄՆ-ն պատժամիջոցներ է սահմանել Թուրքիայում գտնվող ՀԱՄԱՍ-ի անդամների դեմ

ԱՄՆ-ի ֆինանսների նախարարությունը հրապարակել է Պաղեստինի Գազայի հատվածում իշխող «ՀԱՄԱՍ» խմբավորման անդամների նոր ցուցակ, ովքեր հայտնվել են պատժամիջոցների տակ։