Թուրքական գրականությունը աշխարհում մեծ պահանջարկ է վայելում

Մշակութային10:17, 02 Օգոստոս 2013

Թուրքական գրականությունը աշխարհում մեծ պահանջարկ է վայելում

Թուրքիայում հրապարակվել է աշխարհում ամենաշատ պահանջարկ վայելող թուրք գրողների ցանկը: Այն գլխավորում են թուրք գրողներ Օրհան Փամուկը, Օրհան Քեմալը և Ահմեդ Համդի Թանփընարը: Թուրքիայի մշակույթի, արվեստի և գրականությանը կից թուրքերեն ստեղծագործությունների օտարալեզու հրատարակությանը աջակցող նախագծի (TEDA) շրջանակում 2005-2012 թվականների ընթացքում 366 գրողների 791 ստեղծագործություններ են հրատարակվել 357 տարբեր գրատներում: Թուրքիայի մշակույթի և զբոսաշրջության նախարարության աշխատակիցների կողմից հրապարակված տվյալների համաձայն այս ընթացքում 53 տարբեր օտար լեզուներով թարգմանված Թուրքիայի գրական ստեղծագործությունները՝ ընդհանուր առմամբ 1333 գիրք, ընթերցողի դատին է հանձնվել աշխարհի ավելի քան 57 երկրներում:

Թուրքական «Դեմոկրատհաբեր» կայքի հաղորդմամբ ամենաշատ ճանաչում ձեռք բերած ստեղծագործությունների շարքում է գտնվում Օրհան Փամուկի՝ «Անմեղության թանգարան» վեպը: Այն թարգմանվել է 79 օտար լեզուներով, ևս 13 լեզուներով վերահրատարակվել է: Իսկ Փամուկի մեկ այլ՝ «Սև գիրք» վեպը ընթերցողի դատին է հանձնվել 11 լեզուներով: Մեկ այլ թուրք գրող Օրհան Քեմալի «Հոր տունը»՝ 9, և «Ջեմիլե»՝ 8 տարբեր լեզուներով են թարգմանվել:

Աղբյուրի հաղորդմամբ՝ թուրք գրականության վերջին հաջողություններից են Օրհան Փամուկի՝ 2006 թվականին Նոբելյան մրցանակի արժանանալը, ինչպես նաև, 2008 թվականին Գերմանիայի Ֆրանկֆուրտ քաղաքում անցկացված գրքի ցուցահանդեսում, Թուրքիային որպես հյուր պետություն ընդունելը:

Ermenihaber.am

Այս ենթաբաժնի վերջին նորությունները

11:55, 15 ապր

Թուրքիայում կհեռարձակվի առաջին հայկական սերիալը

Սերիալը կհեռարձակվի «Լույս TV»-ի եթերում՝ հայերեն հնչողությամբ և թուրքերեն ենթագրով։

15:20, 11 ապր

Բուրսայում փլուզման եզրին գտնվող 300-ամյա հայկական եկեղեցին կվերածվի մշակութային կենտրոնի

Եկեղեցուն զուգահեռ վերանորոգվելու է հարակից տարածքում գտնվող և նախկինում ÇEK-ի կողմից շահագործված շենքը, որը ևս մշակութային կենտրոնի մի մասն է կազմելու: