Թուրքայի հայկական գերեզմանոցի տեղում` խրախճանքի վայր

Հասարակական08:09, 05 Օգոստոս 2013

Թուրքայի հայկական գերեզմանոցի տեղում` խրախճանքի վայր

Թուրքական «Սաբահ» թերթը հայտնում է, որ Թեքիրդաղի Մալքարա քաղաքում գտվող հայկական պատմական գերեզմանատան տարածքում ռեստորան կառուցելու փաստը հասարակության մեջ քննարկման առարկա է դարձել:

Մալքարայի տեղական ինքնակառավարման մարմինները դեռևս 2010 թվականին որոշում են ընդունել հիշյալ գերեզմանատունը հանձնել օգտագործման այլ նպատակային նշանակությամբ:

Թեքիրդաղի թանգարանի տնօրինությունը հայտնել է, որ նախագծի իրականացման համար խոչընդոտ չի տեսնում, սակայն պատմական որևէ իր գտնելու դեպքում անհրաժեշտ է տեղեկացնել:

Գերեզմանոցի տարածքը, որը երկար տարիներ օգտագործվել է որպես թուրքերի ավանդական ըմբշամարտի հրապարակ, աճուրդով վարձակալության էր հանձնվել Դեմիրալի Փալային: Վերջինս հայտնում է, որ ռեստորանում խմիչք են օգտագործելու, իսկ եթե անգամ քաղաքապետարանը ալկոհոլի վաճառքն արգելի, ապա այցելուները խմիչքն իրենց հետ կբերեն:

Հայկական համայնքը և որոշ հասարակական կազմակերպություններ, իմանալով, որ հայկական գերեզմանոցի տեղում կառուցվելիք շենքը որպես ռեստորան է օգտագործվելու, կանխարգելելու նպատակով գործ էին անցել: «Մազլումդերը» ՀԿ-ն այցլելով այնտեղ` զեկույց էր կազմել, որտեղ ասվում է, որ տարածքում կմախքների մասունքներ կան: «Հողափոր մեքենաները, այդ կմախքները հանելով, աղբն են նետում: Կմախքների նմուշները վերցրել ենք, հետազոտություն են իրականացնելու»:

Գրող, լրագրող Ումիթ Բայազօղլուն, նշելով որ Մալքարայի հայկական համայնքից մնացել են միայն Սուրբ Թորոս եկեղեցու ավերակները և թալանված հայկական գերեզմանոցը, հավելում է.

«Ավերումը նախապատրաստելու համար նախ քանդեցին եկեղեցու գմբեթ: Իսկ եկեղեցուց ընդամենը 4 պատերն են մնացել: Հենց դրանք էլ քանդեն, գողերը վերջապես կհասնեն իրենց նպատակին»:

Ermenihaber.am