Հրապարակվել է Թուրքիայի ամենաաղմկահարույց դատավարության վճիռը

Իրավական11:40, 05 Օգոստոս 2013

Հրապարակվել է Թուրքիայի ամենաաղմկահարույց դատավարության վճիռը

Ստամբուլի ծանր հանցագործությունների քրեական դատարանը հրապարակել է 67 ձերբակալված և 275 մեղադրյալ ունեցող «Էրգենոքոն»-ի գործով դատավճիռը:

Ըստ թուրքական «Զաման» պարբերականի` դատարանը վերոնշյալներից 21-ի նկատմամբ կայացրել է արդարացման վճիռ: Դատավճռում նշված է, որ «Էրգենեքոնը» եղել է ահաբեկչական զինված կազմակերպություն: Էրգենեքոնականները մեղադրվում են բազմաթիվ սպանություններ նախապատրաստելու և իրականացնելու, ինչպես նաևԹուրքիայում ռազմական հեղաշրջում նախապատրաստելու, մեջ, որի համար և դատարանը սահմանել է ազատազրկման հետևյալ պատժաչափերը:

Ազատազրկման դատապարտվածների մեջ կան զինվորականներ, գիտնականներ, լրագրողներ և այլ ոլորտների ներկայացուցիներ: Նվազագույն պատիժը սկսվում է 1 տարուց մինչև անգամ 86 տարի և ցմահ: Ստորև ներկայացված են ազատազրկման դատապարտվածների մի մասը:

Պաշտոնաթող ծովակալ Մեհմեթ Օթուզբիրօղլու` 20 տարի 6 ամիս

ԶՈւ Գլխավոր շտաբի գեներալ-լեյտենանտ Հըֆզը Չուբուքլու` 9 տարի 6 ամիս

Նախկին ոստիկանապետ Ադիլ Սերդար Սաչան` 14 տարի 5 ամիս

Պաշտոնաթող ծովակալ Ալաաթթին Սևիմ` 10 տարի

Պաշտոնաթող գեներալ-գնդապետ Իսմաիլ Հաքքը Փեքին` 7.5 տարի

Նախկին ռեկտորներ` Ֆերիթ Բեռնայ, Մուստաֆա Յուրթքուրան` 10-ական տարի

«Բանվորական» կուսակցության փոխնախագահ Ֆերիթ Լիսևեր` 15 տարի

«Բանվորական» կուսակցության փաստաբան Էմջեթ Օլջայթո` 13 տարի 2 ամիս

Պրոֆեսոր Էրոլ Մանիսալը` 9 տարի

Պաշտոնաթող մայոր Ֆիքրեթ Էմեքը` 41 տարի 4 ամիս

Էսենյուրթի նախկին քաղաքապետ Գյուրբուզ Չափան` 1 տարի 3 ամիս

Յալչըն Քյուչուք` 86 տարի

Թունջայ Օզքան` ցմահ

Լրագրող Ադնան Բուլութ` 6 տարի

«Այդընլըք» պարբերականի գլխավոր խմբագիր Դենիզ Յըլդըրըմ 16 տարի 10 ամիս

Ընդդիմադիր «Ժողովրդահանրապետական» կուսակցության պատգամավոր Մուստաֆա Բալբայ` 24 տարի

ԶՈւ Գլխավոր շտաբի նախկին իրավախորհրդատու Էրդալ Շենել` 7.5 տարի

Հիշեցնենք, որ Ստամբուլի «Ակոս» շաբաթաթերթի հիմնադիր-խմբագրապետ Հրանտ Դինքի սպանության մեջ ևս «Էրգենեքոնը» մասնակցություն է ունեցել:

Ermenihaber.am

Այս ենթաբաժնի վերջին նորությունները

11:59, 22 նոյ

Թուրքիան ներառված չէ այն երկրների ցանկում, որտեղ Իսրայելի վարչապետը չի կարող մեկնել

Միջազգային քրեական դատարանն Իսրայելի վարչապետին և նախկին պաշտպանության նախարարին «պատերազմական հանցագործության» մեղադրանքով ձերբակալելու որոշում էկայացրել։

13:07, 20 նոյ

ԱՄՆ-ն պատժամիջոցներ է սահմանել Թուրքիայում գտնվող ՀԱՄԱՍ-ի անդամների դեմ

ԱՄՆ-ի ֆինանսների նախարարությունը հրապարակել է Պաղեստինի Գազայի հատվածում իշխող «ՀԱՄԱՍ» խմբավորման անդամների նոր ցուցակ, ովքեր հայտնվել են պատժամիջոցների տակ։