Բեյրութում երկու թուրք օդաչուներ են առևանգվել

Միջազգային11:41, 09 Օգոստոս 2013

Բեյրութում երկու թուրք օդաչուներ են առևանգվել

Թուրքական «Դողան» լրատվական գործակալությունը՝ հղում տալով «Թուրքիայի ավիաուղիներ» ընկերության մամուլի գրասենյակին, տեղեկացնում է, որ օգոստոսի 9-ին՝ առավոտյան ժամը 3:00 սահմաններում, օդանավակայանից հյուրանոց ուղևորվելու ճանապարհին, զինված անհայտ անձանց կողմից առևանգվել են երկու թուրք օդաչուներ: Օդաչուների ինքնությունը պարզվել է. առևանգված օդաչուներն են Մուրադ Աղջան և Մուրադ Աքփընարը: Դեպքի հանգամանքները պարզելու համար Բեյրութի անվտագնության ուժերի բաժանմունքում հետաքննություն է սկսվել: Աշխատանքներ են տարվում օդաչուներին գտնելու և ազատ արձակելու համար:

Թուրքիայի արտգործնախարար Ահմեթ Դավութօղլուն թուրք օդաչուների ազատ արձակման համար հեռախոսազրույց է ունեցել Լիբանանի վարչապետ Նեջիփ Միքաթի և Լիբանանի Խորհրդարանի նախագահ Նեբիհ Բերրի հետ: Թուրքիայի արտգործանախարության տարածած տեղեկության համաձայն Լիբանանի պաշտոնյաները իրենց ափսոսանքն են հայտնել դեպքի առնչությամբ, և հավաստիացրել են, կանեն ամեն հնարավորը, որպեսզի թուրք օդաչուները ազատ արձակվեն:

Ermenihaber.am