Թուրքիայում տեղի է ունեցել Մուրադ Նազարյանի գործով երկրորդ դատալսումը

Իրավական08:13, 15 Օգոստոս 2013

Թուրքիայում տեղի է ունեցել Մուրադ Նազարյանի գործով երկրորդ դատալսումը

Ստամբուլի Սամաթիա հայաբնակ թողամասում նախորդ տարեվերջին և այս տարեսկզբին տարեց կանանց վրա հարձակմներ գործելու, սպանելու և նրանց բռնության ենթարկելու մեղադրանքով ձերբակալված Թուրքիայի հայազգի քաղաքացի Մուրադ Նազարյանի քրգործով երկրորդ դատալսումն է տեղ ունեցել:

Ըստ թուրքական «Ռադիքալ» պարբերականի` նախորդ դատալսման ժամանակ փաստաբանի բացակայության պատճառով լռած Նազարյանն այս անգամ խոսել է դատարանում: Նա շարունակ ասել է. «Ես չեմ հիշում: Այդ սպանությունը ես չեմ կատարել»: Իսկ ավելի վաղ ոստիկանական բաժանմունքում, երբ Նազարյանն ասել էր, թե հնարավոր է, որ այդ հանցագործությունն ինքը կատարած լինի, պարզաբանել է, որ դա ասել է հոգեբանական ճնշման ազդեցությամբ:

Դատարանը որոշում է կայացրել ընդլայնել հարցաքննության շրջանակները և հաջորդ դատական նիստը նշանակվել է նոյեմբերի 4-ը: Դա նշանակում է, որ հաջորդ դատալսմանը պետք է ներգրավված լինեն տուժող կողմի լրացուցիչ ներկայացուցիչներ և նրանք պետք է առերեսվեն կասկածյալի հետ:

Նշվում է, որ դատալսմանն առաջին անգամ ներկա են գտնվել Մուրադ Նազարյանի ազգականները: Երբ տուժող կողմի հարազատները դժգոհել են դատարանից, թե դատավարությունը դանդաղ է ընթանում, ամբաստանյալի հարազատները զայրացած բղավել են, թե իրենք արդարություն են ուզում, ոչ թե դատավարության արագություն: Նրանք համարում են, որ Մուրադը չի կատարել այդ հանցագործությունները, դրանց հետևում ուրիշներն են կանգնած:

Հիշեցնենք, Սամաթիա թաղամասում հարձակման էին ենթարկել և տարբեր աստիճանի վնասվածքներ ստացել 4 հայ տարեց կին: Իսկ 84-ամյա հայուհի Մարիցա Քյուչուքը դաժանորեն սպանվել էր սեփական բնակարանում: Ձերբակալվելուց հետո բժշկական ստուգում անցած Մուրադ Նազարյանի մոտ ախտորոշվել էր շիզոֆրենիա:

Ermenihaber.am

Այս ենթաբաժնի վերջին նորությունները

11:59, 22 նոյ

Թուրքիան ներառված չէ այն երկրների ցանկում, որտեղ Իսրայելի վարչապետը չի կարող մեկնել

Միջազգային քրեական դատարանն Իսրայելի վարչապետին և նախկին պաշտպանության նախարարին «պատերազմական հանցագործության» մեղադրանքով ձերբակալելու որոշում էկայացրել։

13:07, 20 նոյ

ԱՄՆ-ն պատժամիջոցներ է սահմանել Թուրքիայում գտնվող ՀԱՄԱՍ-ի անդամների դեմ

ԱՄՆ-ի ֆինանսների նախարարությունը հրապարակել է Պաղեստինի Գազայի հատվածում իշխող «ՀԱՄԱՍ» խմբավորման անդամների նոր ցուցակ, ովքեր հայտնվել են պատժամիջոցների տակ։