Սպանված թուրք հովվի ընտանիքը պատրաստվում է դատի տալ թուրքական թերթին

Իրավական08:02, 22 Օգոստոս 2013

Սպանված թուրք հովվի ընտանիքը պատրաստվում է դատի տալ թուրքական թերթին

Վերջերս հայ-թուրքական սահմանը հատած և ռուս սահմանապահների կողմից գնդակահարված կարսեցի հովվի պատմությունը շարունակում է մնալ թուրքական մամուլի քննարկումների ու քննադատությունների օրակարգում: Համառոտ նշենք, որ թուրքական լրատվամիջոցները հովվի մահը լուսաբանում էին որպես հայ զինվորների կողմից խաղաղ բնակչի սպանության փաստ: Լուսաբանման այս ընթացքը շեղվեց այն բանից հետո, երբ օրեր առաջ թուրքական «Թարաֆ թերթում հրապարակվեց «Հովվի հարձակում, որը նման է ֆիլմի» հոդվածը, որտեղ ներկայացվում էր, երկու երկրների միջև ծագած «հովվային ճգնաժամի» ողջ նախապատմությունը:

Ըստ այդ հրապարակման` սպանված հովիվ Մուստաֆա Ուլքերը զինվորական համազգեստ հագած երկու անգամ հարձակվել է հայկական սահմանապահ ուղեկալի վրա ու կրակ բացել: Պատճառը եղել է այն, որ թուրք հովիվներն իրենց անասուններին արածացնում էին հայկական արոտավայրերում: Նրանց քանիցս զգուշացվել է չանել նման բան, բայց նրանք շարունակել են նույն կերպ: Հայաստանի սահմանապահներն էլ որպես պատիժ առգրավել են կենդանիներին և թուրք սահմանապահների խնդրանքից հետո միայն վերադարձրել: Սակայն վերադարձնելուց հետոնոր ճգնաժամ է սկսվում: Վերադարձված որոշ կենդանիներ տարբեր վնասվածքներ ունեին` մի մասի եղջյուրներն են կոտրված եղել, մի մասի պոչերն էլ` կտրված: Մուստաֆա Ուլքերն էլ որոշում է Հայաստանի սահմանապահներից վրեժխնդիր լինել, ինչի հետևանքով էլ վնասազերծվել է մահվան ելքով:

Թուրքական «Հաբերվաքթիմ» լրատվական կայքն ընդգծված արշավ է սկսել «Թարաֆ»-ի վերոնշյալ հրապարակման դեմ` համարելով դա սուտ տեղեկատվություն: Նշվում է, որ դա վրդովմունք է առաջացրել է սպանված հովվի ընտանիքի անդամների մոտ, և նրանք պատրաստվում են դատի տալ «Թարաֆ»-ին: Սպանվածի հարազատները, հակառակ «Թարաֆ»-ի հոդվածի, պնդում են, որ հովիվը չի հարձակվել սահմանապահ ուղեկալի վրա, որ սպանվել է ոչ թե գլխի, այլ թիկունքի շրջանում ստացված հրազենային վնասվածքից, բացի այդ նա եղել է ոչ թե զինվորական համազզեստով, այլ` առօրյա կենցաղային: «Պրեսսթուրք» կայքն էլ «Թարաֆ»-ի հասցեին գրել է. «Նույնիկս հայերն այդչափ հայ չեն, որքան դուք»:

Ermenihaber.am

Այս ենթաբաժնի վերջին նորությունները

11:59, 22 նոյ

Թուրքիան ներառված չէ այն երկրների ցանկում, որտեղ Իսրայելի վարչապետը չի կարող մեկնել

Միջազգային քրեական դատարանն Իսրայելի վարչապետին և նախկին պաշտպանության նախարարին «պատերազմական հանցագործության» մեղադրանքով ձերբակալելու որոշում էկայացրել։

13:07, 20 նոյ

ԱՄՆ-ն պատժամիջոցներ է սահմանել Թուրքիայում գտնվող ՀԱՄԱՍ-ի անդամների դեմ

ԱՄՆ-ի ֆինանսների նախարարությունը հրապարակել է Պաղեստինի Գազայի հատվածում իշխող «ՀԱՄԱՍ» խմբավորման անդամների նոր ցուցակ, ովքեր հայտնվել են պատժամիջոցների տակ։