Էրդողանը արտասվել է ուղիղ եթերում (տեսանյութ)

Միջազգային07:44, 23 Օգոստոս 2013

Էրդողանը արտասվել է ուղիղ եթերում (տեսանյութ)

Թուրքիայի վարչապետ Ռեջեփ Թայիփ Էրդողանին հուզել է «Մուսուլման եղբայրներ» շարժման ռազմավարական հարցերով ղեկավար, հայտնի քաղաքական գործիչ Մոհամեդ Էլ-Բելթագիի հրաժեշտի նամակը` ուղղված իր 17-ամյա աղջկան` Էսմային, ով զոհվել էր Եգիպտոսում շարունակվող բախումների ժամանակ:

Ուղիղ եթերով հեռարձակվող թուրքական հեռուստահաղորդումներից մեկի ժամանակ Էրդողանը, լսելով Մոհամեդ Էլ-Բելթագիի նամակը, չէր կարողացել զսպել արցունքները:
Նա ասել է, որ նամակը լսելիս իր երեխաներն աչքի առաջ եկան:

«Նման ապրումներ ես էլ եմ ունեցել: Աշխատանքի պատճառով գիշերները ուշ էի տուն գալիս: Եվ բնականաբար երեխաներս քնած էին լինում: Մի օր էլ եկա տեսա, որ աղջիկս ննջարանիս դռան վրա մի գրություն էր թողել`«Մի երեկոդ էլ մեզ հատկացրու»: Էսմային ուղղված այս նամակը լսելիս իմ երեխաները աչքերիս առաջ եկան:»,-ասել է նա:

Հեռուստահաղորդումը ընդհատվել է, քանի որ Էրդողանը չի կարողացել հաղթահարել հուզմունքը:

Հիշեցնենք, որ 17-ամյա Էսման սպանվել էր Եգիպտոսի տապալված նախագահ Մուհամեդ Մուրսիի ազատ արձակման պահանջով նստացույցի ժամանակ:

Աղջիկը մահացել է կրծքին ստացված հրազենային վնասվածքից:

Ermenihaber.am

Այս ենթաբաժնի վերջին նորությունները

16:01, 23 ապր

ԱՄՆ կոնգրեսականները մտահոգված են. «Թուրքիան կարող է S-400-ներն ուղարել Սիրիա»

Պետդեպին ուղարկած նամակում Գուս Բիլիրաքիսը և Բրեդ Շնայդերը գրել են, որ դա կարող է հանգեցնել Իսրայել-Թուրքիա ուղիղ բախման:

12:23, 23 ապր

«ՀԱՄԱՍ»-ը հրադադարի նոր փորձ է ձեռնարկում և աջակցություն է խնդրում Անկարայից

Պաղեստինյան «ՀԱՄԱՍ» խմբավորման պատվիրակությունը Անկարայում հանդիպել է Թուրքիայի արտգործնախարարի և Ազգային հետախուզական կազմակերպության (MİT) ղեկավար Իբրահիմ Քալընի հետ: