Սպիտակ տուն. «ԱՄՆ պարտավոր է պաշտպանել իր դաշնակից Թուրքիային»

Միջազգային08:02, 30 Օգոստոս 2013

Սպիտակ տուն. «ԱՄՆ պարտավոր է պաշտպանել իր դաշնակից Թուրքիային»

Սպիտակ տան մամուլի խոսնակ Ջոշ Էրնեստը ամենօրյա հարցուպատասխանի ժամանակ անդրադարձել է Սիրիայի հարցին:
Թուրքական «Հաբերլեր» լրատվական կայքի հաղորդմամբ` Էրնեստը, պատասխանելով Սիրիայի կողմից Թուրքիայի, Իսրայելի և Հորդանանի նկատմամբ քիմիական զենք օգտագործելու դեպքում ԱՄՆ քայերի վերաբերյալ հարցին, նշել է.

«Թուրքիայի հետ պաշտպանության պայամանգիր ունենք: Մենք պարտավոր ենք պաշտպանել մեր դաշնակցին: ԱՄՆ-ը Իսրայելի անվտանգությունը պաշտպանելու պարտավորություն ունի, իսկ Հորդանանը տարածաշրջանում ԱՄՆ-ի կարևորագույն գործընկերն է»:

Էրնեստը Սիրիայում քիմիական զենքի օգտագործման վերաբերյալ նշել է, որ ՆԱՏՕ-յի դաշնակից Թուրքիան, ինչպես նաև Իսրայելն ու Հորդանանը հարևան են Սիրիային և, հետևաբար, այդ երկրում քիմիական զենքի կիրառումը ազդել է ԱՄՆ շահերի վրա:

Ըստ Էրնեստի` Սիրիայում քիմիական զենքի կիրառման ուղղությամբ ԱՄՆ հետախուզական ծառայությունների հետազոտությունը դեռևս չի ամփոփվել, և միայն շաբաթվա վերջին կկարողանան զեկույցը հրապարակել:

Ermenihaber.am