Դինքի ընտանիք. «Սուտը ջրի նման խմած, բռնությունը հացի պես կերած թուրքական պետություն»

Իրավական08:30, 17 Սեպտեմբեր 2013

Դինքի ընտանիք. «Սուտը ջրի նման խմած, բռնությունը հացի պես կերած թուրքական պետություն»

Թուրքիայում այսօր վերսկսվում է «Ագոս» թերթի հիմնադիր խմբագրապետ Հրանտ Դինքի սպանության գործով դատավարությունը: Դինքի ընտանիքն այլևս չի մասնակցելու դատավարություններին: Այդպիսի որոշում ընդունել են հենց Դինքի ընտանիքի անդամները:

Վերոնշյալ դատավարությանը չմասնակցելու վերաբերյալ Հրանտ Դինքի ընտանիքը հանդես է եկել գրավոր հայտարարությամբ: Թուրքական «Բիանեթ» լրատվական կայքը հրապարակել է այն, որտեղ մասնավորապես ասված է.

«Որպես Դինքի ընտանիքի անդամներ, այսուհետև, մեզ ծաղրող պետական մեխանիզմների ձեռքին գործիք չդառնալու համար սպանության գործով վերստին սկսվող ծիծաղելի դատավարություններին չենք մասնակցելու: Ավելի շատ չկեղտոտվելու ձգտումով, սուտը ջրի նման խմած, բռնությունը հացի պես կերած, կյանքի և մարդու իրավունքները, ճշմարտությունը, ազնվությունը, օրենքը ոտնահարած դատավարության դահլիճներ այլևս չենք մտնելու:

2007 թվականի հունվարի 19-ին սպանված Հրանտ Դինքի սպանությունից մինչև այսօր Թուրքիայում` ժանդարմերիայի, զինվորական և քաղաքացիական բյուրոկրատիայի, քաղաքական կառույցների միջոցով մեզ գրեթե ծաղրել են: Պետություն ասված հանցագործության միությունը, արդարության փնտրտուքի ցուցադրությամբ, օր-օրի, դատավարության նիստ առ նիստ, կրկին և կրկին հանցագործություն է կատարել: Այս միությունն էր կազմակերպել և իրագործել սպանությունը, հենց այն կազմակերպությունը, որը փորձում է ծածկել այն»:

Նշենք, որ այսօր Ստամբուլի ծանր հանցագործություններով զբաղվող դատարանում մեկնարկելու է նոր Դինքի սպանության գործով նոր դատական նիստը, որի ժամանակ քննվելու է «հանցավոր խմբավորման» կողմից սպանության իրականացման հնարավորությունը։

Ermenihaber.am

Այս ենթաբաժնի վերջին նորությունները

11:59, 22 նոյ

Թուրքիան ներառված չէ այն երկրների ցանկում, որտեղ Իսրայելի վարչապետը չի կարող մեկնել

Միջազգային քրեական դատարանն Իսրայելի վարչապետին և նախկին պաշտպանության նախարարին «պատերազմական հանցագործության» մեղադրանքով ձերբակալելու որոշում էկայացրել։

13:07, 20 նոյ

ԱՄՆ-ն պատժամիջոցներ է սահմանել Թուրքիայում գտնվող ՀԱՄԱՍ-ի անդամների դեմ

ԱՄՆ-ի ֆինանսների նախարարությունը հրապարակել է Պաղեստինի Գազայի հատվածում իշխող «ՀԱՄԱՍ» խմբավորման անդամների նոր ցուցակ, ովքեր հայտնվել են պատժամիջոցների տակ։