Թուրք հեծանվորդ թոշակառուն պատմել է Հայաստան կատարած այցելության մասին

Հասարակական12:28, 19 Սեպտեմբեր 2013

Թուրք հեծանվորդ թոշակառուն պատմել է Հայաստան կատարած այցելության մասին

Ազգությամբ թուրք թոշակառու ինժեներ Օրհան Քըլըչը արդեն 3 տարի է ճամփորդություններ է կատարում հեծանիվով: 2012 թվականին Օրհան Քըլըչը հեծանվով ճամփորդություն է կատարել հարևան Վրաստան, իսկ այս տարի՝ արդեն հուլիսին, նույն Վրաստանի ճաապարհներով այցելել է Հայաստան: Նա իր ճանապարհը սկսել է Թուրքիայի Հոփա քաղաքից, և ացնելով ամբողջ Վրաստանը՝ ժամանել է Հայաստան:

Թուրք թոշակառուն հեծանվով կատարած ճամփորդությունից ստացած իր տպավորությունների մասին է պատմել թուրքական «Հյուրրիյեթ» օրաթերթին: Օրհան Քըլըչը պատմում է, որ Հայաստանում բավականին ջերմ ընդունելության է հանդիպել: Ըստ նրա Հայաստանում ավելի անվտանգ և հրաշալի է եղել, քան ինքը կկարողանար պատկերացնել:

Օրհան Քըլըչը պատմում է, որ Հայաստանում ամենուրեք ջերմ ընդունելության է արժանացել, նրան բոլորը աջակցել են, միայն Էջմիածինում՝ հոգևորականներից մեկն է անդրադարձել ցեղասպանության խնդրին: Նրանք խոսել են հետո բարեկամացել, այնուհետև ինքը հայ հոգևորականին հրավիրել է Ստամբուլ: Հյուրանոցում նույնպես լավ են վերաբերվել, քաղաքի ամենալավ ռեստորանում նրանց հյուրասիրել են Հայոց ցեղասպանության թանգարան իստիտուտի աշխատակիցները: Նույնիսկ կային մարդիկ, ովքեր քիչ թե շատ թուրքերեն էին կարողանում խոսել, եղել են դեպքեր, երբ անգլերենի փոխարեն հաղորդակցվել են թուրքերենով: Հանդիպել են ընտանիքների, որոնց նախնիները տուժել էին տեղահանության ժամանակ, նույնիսկ մի կին, ով խոսում էր իր հուշերի մասին, եկել և գրկախառնվել է իր ընկերոջ հետ: Հայաստանում թուրք զբոսաշրջիկի վերջին հանգրվանը եղել է կապուտաչյա Սևանը: Թուրք թոշակառուն ունի մեկ երազանք՝ հեծանվով Ստամբուլից հասնել Հնդկաստան:

Ermenihaber.am