Զեկույց. թուրքական ոստիկանությունը 20 օրում սպառել է արցունքաբեր գազի մի տարվա պաշարը

Իրավական12:51, 26 Սեպտեմբեր 2013

Զեկույց. թուրքական ոստիկանությունը 20 օրում սպառել է արցունքաբեր գազի մի տարվա պաշարը

Մարդու իրավունքների պաշտպանությամբ զբաղվող ամերիկյան «RHR» բժշկական կազմակերպությունը հրապարակել է 32 էջանոց մի զեկույց, որտեղ քննադատաբար նշվում է, թե ինչպես են թուրք ոստիկանները Գեզիի ցույցերի ժամանակ ժողովրդի դեմ որպես զենք օգտագործում արցունքաբեր գազը:

Ըստ թուրքական «Հյուրրիյեթ» պարբերականի` վերջերս մեկշաբաթյա այցով Թուրքիա էր մեկնել չորս բժիշկներից կազմված մի խումբ` այդ թեմայով հետազոտություններ կատարելու: Արդյունքում կազմվել է համապատասխան զեկույցը, որտեղ փաստարկված արձանագրվել է հետևյալը.

Ցույցերի ժամանակ ոստիկանական ուժերը գործադրել են բռնի ուժ` օգտագործելով արցունքաբեր գազ, պլաստիկ փամփուշտներ, ջրաշիթեր, ինչի հետևանքով վիրավորվել է ավելի քան 8000 ցուցարար: Զեկույցում նշված է, որ Գեզիի ցույցերի ժամանակ թուրքական ոստիկանությունը 20 օրում սպառել է տարվա պաշար հանդիսացող արցունքաբեր գազի 130 հազար պարկուճ:

Զեկույցի համահեղինակների դոկտոր Իաքոփինոն մասնավորապես ասել է. «Գեզի զբոսայգու ցույցերի ժամանակ Թուրքիայի իշխանությունների կողմից ցուցարարների և նրանց բժշկական օգնություն ցույց տվող անձնանց դեմ գործադրվել է անհամաչափ ու և բռնություն: Դա անընդունելի է: Կառավարությունը պետք է Թուրքիայում արցունքաբեր գազի այդչափ օգտագործումն արգելելու և չշահագործելու երաշխիքներ տա»:

Ermenihaber.am

Այս ենթաբաժնի վերջին նորությունները

11:59, 22 նոյ

Թուրքիան ներառված չէ այն երկրների ցանկում, որտեղ Իսրայելի վարչապետը չի կարող մեկնել

Միջազգային քրեական դատարանն Իսրայելի վարչապետին և նախկին պաշտպանության նախարարին «պատերազմական հանցագործության» մեղադրանքով ձերբակալելու որոշում էկայացրել։

13:07, 20 նոյ

ԱՄՆ-ն պատժամիջոցներ է սահմանել Թուրքիայում գտնվող ՀԱՄԱՍ-ի անդամների դեմ

ԱՄՆ-ի ֆինանսների նախարարությունը հրապարակել է Պաղեստինի Գազայի հատվածում իշխող «ՀԱՄԱՍ» խմբավորման անդամների նոր ցուցակ, ովքեր հայտնվել են պատժամիջոցների տակ։