Դիարբեքիրի Սուրի քաղաքապետարանը ցանկանում է համագործակցել Գյումրու քաղաքապետարանի հետ

Մշակութային13:13, 01 Հոկտեմբեր 2013

Դիարբեքիրի Սուրի քաղաքապետարանը ցանկանում է համագործակցել Գյումրու քաղաքապետարանի հետ

Դիարբեքիրի Սուրի քաղաքապետ Աբդուլլահ Դեմիրբաշը, ասել է, որ մի շարք երկրների քաղաքապետարնների հետ, այդ թվում Հայաստանի Գյումրի քաղաքի քաղաքապետարանի հետ` համագործակցության արձանագրություններ ստորագրելու համար աշխատանքներ են տանում:

Թուրքական «Սոնդաքիքա» լրատվական կայքի տեղեկացմամբ` Դեմիրբաշը նշելով, որ Սուրի քաղաքապետարանը բազմաթիվ այլ քաղաքապետարանների հետ դարձել է «եղբայր քաղաքապետարաններ», ավելացրել է,-«Քայլեր ենք ձեռնարկում Հայաստանում` Գյումրի, Իսրայելում` Մեվասսերեթ Ցիոն, Իրանում` Ուրմիա քաղաքների քաղաքապետարնների հետ արձանագրություններ ստորագրելու համար: Մեր հարաբերություններն ավելի շատ զարգացնելու և մշակութային համագործակցության համար այլ քաղաքապետարանների հետ ևս մեր բանակցությունները կշարունակվեն: Որպես տեղական ինքնակառավարման մարմիններ` մեր պարտականությունն է միջնորդ լինել ժողովուրդների և հավատքների միջև: Մարդ իր լեզվից և մշակույթից բացի այլ լեզուներն ու մշակույթներն էլ պետք է սիրի, քանզի ամեն բանի սկիզբը հենց սերն է»:

«Ermenihaber.am»-ի հետ զրույցում Գյումրու քաղաքապետի մամուլի քարտուղար Զոհրապ Եգանյանը հայտնեց, որ իրենք վերոնշյալ համագործակցության վերաբերյալ Սուրի քաղաքապետարանից առայժմ որևէ գրություն, առաջարկ չեն ստացել:

Ermenihaber.am

Այս ենթաբաժնի վերջին նորությունները

18:05, 20 նոյ

Կարսի մարզպետարանը բարեկարգում է Անիի ավերակներ տանող ճանապարհը

հայոց միջնադարյան մայրաքաղաքը շարունակում է մեծ ուշադրության արժանանալ տեղացի ու օտարերկրյա զբոսաշրջիկների կողմից։

14:22, 18 նոյ

Թուրքական թատերական խմբակը Երևանում հանդես եկավ սարոյանական ներկայացմամբ (Տեսանյութ)

Թատերական խմբակի ղեկավար Էրթյուրք Էրքեքը ներկայացման վերջում պատասխանել է հանդիսատեսի հարցերին։

10:15, 07 նոյ

Ղրղզստանի մայրաքաղաքում թուրքական մշակույթի կենտրոն է բացվել

«Մենք այստեղ ենք՝ ներկայացնելու մեր լեզուն, մշակույթը և կիսելու մեր ընդհանուր ժառանգությունը»,-ասվել է Յունուս Էմրեի անվան համալսարանի սոցցանցյան գրառման մեջ։