Թուրքիայում «հայի ծնունդ», «փիս թուրք», «գող ցիգան» արտահայտությունները հանցանք կհամարվեն

Իրավական07:53, 03 Հոկտեմբեր 2013

Թուրքիայում «հայի ծնունդ», «փիս թուրք», «գող ցիգան» արտահայտությունները հանցանք կհամարվեն

Թուրքական կառավարության կազմած և վարչապետ Էրդողանի ներկայացրած ժողովրդավարացման փաթեթում ատելության և խտրականության դրսևորումներին վերաբերող կետը կամրագրվի Թուրքիայի քրեական օրենսգրքում:

Ըստ թուրքական «Զաման» պարբերականի` այս կետի կարևորությունը կայանում է նրանում, որ մեծապես կազդի երկրի առօրյա կյանքի վրա: Անհատի կրոնի, լեզվի, դավանանքի, էթնիկ պատկանելության, սեռի, սեռական կողմնորոշման, մաշկի գույնի, հավատքի, քաղաքական նախընտությունների, աշխարհայացքի, ապրելակերպի ուղղակիորեն թիրախավորումը կհամարվի ատելության և խտրականության հիման վրա կատարվող հանցագործություն: Նման հանցագործության համար կարող է սահմանվել 1-ից մինչև 3 տարվա բանտարկություն:
Բացի այդ, ատելության հողի վրա սպանության, դիտավորյալ վնասվածք հասցնելու, սպառնալու, վիրավորելու, սեռական ոտնձգությունների, ունեցվածքին և պաշտամունքի վայրերին վնաս հասցնելու և նմանատիպ մոտ 20 հանցագործությունների դեպքում էլ պատիժ կսահմանվի:

Հետևաբար, ինչ-որ մեկին «հայի ծնունդ», «կողտոտ քուրդ», «կողտոտ անհավատ», «գող ցիգան» , «փիս թուրք» ասողը կպատժվի ատելութայն հողի վրա հանցագործություն գործելու մեղադրանքով: Նույն կերպ հանցանք կհամարվեն այնպիսի վիրավորական արտահայտությունների դիտավորյալ կիրառումը, որոնք կարվեն ատելության և խտրականության հողի վրա, ինչպես օրինակ՝ «եզդի, նեգր, կույր, կաղ, հետամնաց, կարմրագլուխ»: Գլխաշորավոր կանանց «սև կին», «նինջա» բառերով վիրավորանքը նույնպես կդիտարկվի որպես հանցանք:

Թուրքական կայքը հայտնում է, որ վերոնշյալ արտահայտություններից շատերը քրեական օրենսգրքով արդեն իսկ համարվում են հանցանք և դրանց համար նախատեսվում է 1-2 տարվա ազատազրկում: Սակայն, այս առումով ժողովրդավարացման փաթեթում տեղ գտած առանձնահատկությունն այն է, որ հանցանքը ատելության և խտրականության հիմքի վրա անելու դեպքում պատիժաչափը ավելանում է՝ նախատեսելով մինչև 3 տարվա ազատազրկում: Ապրելակերպի նկատմամբ հարգանքն էլ կերաշխավորվի՝ առաջին անգամ ամրագրվելով Թուրքիայի քրեական օրենսգրքում:

Իսկ գլխաշորավոր կանայք իրավունք կուենան իրենց աշխատանքի վայրերում գլխաշոր կրել: Եթե կազմակերպության ղեկավարը արգելի իր աշխատակցին գլխաշոր կրել, ապա դա նույնպես կհամարվի խտրականության ցուցաբերում և բնականաբար, կպատժվի:

Ermenihaber.am

Այս ենթաբաժնի վերջին նորությունները

11:59, 22 նոյ

Թուրքիան ներառված չէ այն երկրների ցանկում, որտեղ Իսրայելի վարչապետը չի կարող մեկնել

Միջազգային քրեական դատարանն Իսրայելի վարչապետին և նախկին պաշտպանության նախարարին «պատերազմական հանցագործության» մեղադրանքով ձերբակալելու որոշում էկայացրել։

13:07, 20 նոյ

ԱՄՆ-ն պատժամիջոցներ է սահմանել Թուրքիայում գտնվող ՀԱՄԱՍ-ի անդամների դեմ

ԱՄՆ-ի ֆինանսների նախարարությունը հրապարակել է Պաղեստինի Գազայի հատվածում իշխող «ՀԱՄԱՍ» խմբավորման անդամների նոր ցուցակ, ովքեր հայտնվել են պատժամիջոցների տակ։