Թուրք հոդվածագիր. «Թուրքիայի արևելքի անտեսանելի պատը այդպես էլ չքանդվեց»

Տնտեսական07:51, 07 Հոկտեմբեր 2013

Թուրք հոդվածագիր. «Թուրքիայի արևելքի անտեսանելի պատը այդպես էլ չքանդվեց»

Թուրք լրագրող ԱսաֆՍավաշ Աքաթը, մեկ շաբաթ շրջելով երկիր արևելյան շրջաններով, իր հոդվածում ներկայացրել է տարածաշրջանի սոցիալ-տնտեսական պատկերը:
Թուրքական «Վաթան» թերթում հրապարակված հոդվածում նշվում է,որ Թուրքիայի ազգային վիճակագրության վարչությունը երկիրը բաժանում է 26 աշխարհագրական միավորի: Կարսը Աղրը, Իգդիրը, Արդահանը և Վանը, Մուշը, Բիթլիսը, Հաքքիարին զարգացվածության մակարդակով գտնվում են վերջին հորիզոնականում:
Աքաթը նշում է, որ տնտեսական, հասարակական զարգացվածության վրա խիստ բնակլիմայական պայմնանները իրենց ազդեցությունը թողնում են, սակայն մարդկային գործոնի առկայությունը նույնպես մեծ է:
«Հատկապես նկատի ունեմ փակ սահմանները, որոնք խոչընդոտում են արտաքին առևտուրը: 1923 թվականից հետո սահմանը Սովետական միությունը երկաթյա վարագույրով փակեց: Սովեդական միությունը քանդվեց, բայց այս անգամ էլ Հայաստանի հետ սահմանը փակվեց: Հետո էլ Իրանի նկատմամբ բռնարգելք (Էմբարգո) կիրառվեց: Այդ անտեսանելի պատը ոչ մի կերպ չքանդվեց»,- գրում է հոդվածագիրը:

Վերջինս դժգոհում է, որ այդ շրջաններում արդյունաբերությունը և առևտուրը չեն զարգանում, բնակչության կրթված մասը հեռանում է:
«Սա մի կախարդված շրջան է, որը ջարդելու գործում հարևանների հետ առևտուրը կարևոր դեր կարող է ունենալ: Սահմանների բացումը, առևտրի աշխուժացումը տարածքին կենդանության շունչ կհաղորդի:
Ճիշտն ասած, չեմ հավատում, որ կարճ ժամանակահատվածում հնարավոր է անել: Ցավոք սրտի, քաղաքական խոչընդոտները դեռևս կան: Սակայն հավատում եմ, որ վաղ թե ուշ դա տեղի է ունենալու»,-գրում է Աքաթը: