Եվրադատարանը Թուրքիային մեղադրում է խոսքի ազատության իրավունքը ոտնահարելու մեջ

Իրավական10:13, 16 Հոկտեմբեր 2013

Եվրադատարանը Թուրքիային մեղադրում է խոսքի ազատության իրավունքը ոտնահարելու մեջ

Մարդու իրավունքների եվրոպական դատարանից (ՄԻԵԴ) հերթական «ապտակն» է հասցեագրվել Թուրքիային` փաստելով այն մասին, որ այդ երկրում դատարանները արդարադատ չեն:

Ըստ «CNNTurk» լրատվական ծառայության` եվրադատարանին դիմած Թուրքիայի քաղաքացի Հաթիփ Դիջլեն 1997-ին հրապարակել էր «Դերսիմի դրամա» վերտառությամբ հեղինակային հոդված, որտեղ քննադատում էր Դերսիմում իշխանությունների վարած քաղաքականությունը: Այնուհետև Դիջլեի դեմ առաջադրվել է հանրության մեջ ատելություն սերմանելու մեղադրանք, և թուրքական դատարանը նրան ենթարկել էր միաժամանակ վարչական տույժի և քրեական պատասխանատվության:

Ամբաստանյալը դիմել էր եվրադատարան` ակնկալելով վերականգնել խոսքի ազատության իր իրավունքը: Եվրադատարանը Դիջելի հոդվածի մեջ չի տեսել օրինախախտության այն հատկանիշները, որոնք նշվել են թուրքական դատարանի կայացրած վճռում: ՄԻԵԴ-ը ոչ իրավաչափ է ճանաչել թուրքական դատարանի կայացրած վճիռը Դիջլեին 2 տարի ազատազրկելու վերաբերյալ և Թուրքիային մեղավոր ճանաչել խոսքի ազատության իրավունքը ոտնահարելու մեջ:

Ermenihaber.am

Այս ենթաբաժնի վերջին նորությունները

11:59, 22 նոյ

Թուրքիան ներառված չէ այն երկրների ցանկում, որտեղ Իսրայելի վարչապետը չի կարող մեկնել

Միջազգային քրեական դատարանն Իսրայելի վարչապետին և նախկին պաշտպանության նախարարին «պատերազմական հանցագործության» մեղադրանքով ձերբակալելու որոշում էկայացրել։

13:07, 20 նոյ

ԱՄՆ-ն պատժամիջոցներ է սահմանել Թուրքիայում գտնվող ՀԱՄԱՍ-ի անդամների դեմ

ԱՄՆ-ի ֆինանսների նախարարությունը հրապարակել է Պաղեստինի Գազայի հատվածում իշխող «ՀԱՄԱՍ» խմբավորման անդամների նոր ցուցակ, ովքեր հայտնվել են պատժամիջոցների տակ։