Իսրայելի պատասխանը Թուրքիայի մեղադրանքներին

Միջազգային09:27, 21 Հոկտեմբեր 2013

Իսրայելի պատասխանը Թուրքիայի մեղադրանքներին

Օրերս մամուլում հայտնվեց տեղեկություն այն մասին, որ Թուրքիան օգնել է Թեհրանին բացահայտել Իսրայելի հետախուզության` Մոսսադի օգտին աշխատող 10 իրանցի լրտեսների ինքնությունը: Ընթերցողներն այդ մասին իմացան «Washington Post»-ի հայազգի սյունակագիր Դավիթ Իգնատիուսի հոդվածից:

Թուրքիան կտրականապես հերքել էր այդ տեղեկության իսկությունը, իսկ արտգործնախարար Ահմեթ Դավութօղլուն հոդվածի հետևում թաքնված իսրայելական ձեռագրի մասին էր հայտարարել:

Թել-Ավիվն արձագանքել է Թուրքիայի արտգործնախարարի հայտարարությանը: Իսրայելի արտաքին գործերի նախարար Ավիգդոր Լիբերմանն ասել է. «Չգիտեմ «Washington Post»-ի հայտնած տեղեկությունն իրականությանը որքան է համապատասխանում, բայց ակնհայտ է, որ այդ հոդվածի կապակցությամբ Թուրքիայի կողմից Իսրայելին մեղադրանք հասցնելը ցույց է տալիս Իսրայելի հետ հարաբերությունները զարգացնելու Էրդողանի նպատակի բացակայությունը»:

Ermenihaber.am