Թուրք պատմաբան. «Ինչ էլ ասենք-չասենք, մեկ է, համոզիչ երևալ չենք կարող»

Ցեղասպանություն07:12, 29 Հոկտեմբեր 2013

Թուրք պատմաբան. «Ինչ էլ ասենք-չասենք, մեկ է, համոզիչ երևալ չենք կարող»

Թուրք անվանի պատմաբան Քեմալ Քարփաթը բազմաթիվ հոդվածներ և գրքեր է հեղինակել օսմանյան պատմության մասին: 88-ամյա Քարփաթը կյանքի մեծ մասն անցկացրել է արտերկրում, մասնավորապես հիմա բնակվում է Միացյալ Նահանգներում:

Թուրքական «Հաբեր7» լրատվական կայքի թղթակիցը հարցազրույց է անցկացրել պատմաբանի հետ բալկանյան պատերազմների և այդ շրջանում տեղի ունեցած պատմական այլ անցքերի մասին: Ընթացքում անդրադարձ է կատարվել նաև Հայոց ցեղասպանության թեմային, որի մասին, սակայն, արտահայտվել են իբրև հայերի տեղահանություն:

Լրագրողը նկատել է տվել, որ Բալկանյան պատերազմների ժամանակ եղած գաղթի մասին խոսում են միայն թուրքերը, մինչդեռ հայերի տեղահանության մասին աշխարհն է խոսում: Ի պատասխան պատմաբանը մի դեպք է վերհիշել.

«Հայկական հարցում նոր միտում է նկատվում: Ինչ էլ ասենք-չասենք, մեկ է, համոզիչ երևալ չեք կարող: Մի քանի տարի առաջ ես ճաշում էի «New York Times»-ի թղթակից Ստեֆն Քինզերի հետ: Խոսք գնաց Հայկական հարցից: Ես ցանկացա իմանալ հայերի թվի մասին բրիտանական փաստաթղթերում եղած տեղեկությունները: Մինչ ես հարցնում էի, Քինզերը քմծիծաղ էր, որ տալիս էր: Նա ինձ հասկացնել տավեց, որ ինչ էլ անեմ, ինչ էլ խոսեմ, արդեն անիմաստ է»:

Ermenihaber.am

Այս ենթաբաժնի վերջին նորությունները

16:39, 27 սեպ

Նյու Յորքի քաղաքապետը մեղադրվում է Հայոց ցեղասպանությունից չխոսելու դիմաց Թուրքիայից կաշառք ստանալու մեջ

Էրիկ Ադամսին մեղադրական եզրակացություն է ներկայացվել Նյու Յորքի հարավային շրջանի դատախազի կողմից, առ այն, որ նա Թուրքիայի կառավարության կողմից կաշառք է ստացել։

13:39, 11 սեպ

Հայոց ցեղասպանությունը վերապրած, իսլամացված հայ կնոջ պատմությունը «Սիրելի F» ֆիլմում

Հայկական արմատներով լուսանկարիչ և ռեժիսոր Սերա Աքջանը Ermeniahaber.am-ի հետ զրույցում պատմել է իր հեղինակած «Սիրելի F» (Sevgil F) վավերագրական ֆիլմի և ֆիլմհերոսի մասին, ով ևս հայ է։