Թուրքիայում հայ լուսանկարիչների ցուցահանդես է բացվել

Մշակութային08:17, 31 Հոկտեմբեր 2013

Թուրքիայում հայ լուսանկարիչների ցուցահանդես է բացվել

Թուրքիայի Ամասիա նահանգի Մերզիֆոն շրջանում բացվել է Դիլդիլյան եղբայրների լուսանկարների ցուցահադեսը:

Թուրքական «Բուգյուն» լրատվական կայքը հայտնում է, որ Մարիցա Մետաքսյանը, որը լուսանկարիչներ Ցոլակ և Արամ Դիլդիլյան եղբայների զարմուհին է, ընտանիքի հաջորդ սերուդներին է պատմել եղբայրների և նրանց մոր՝ Հայկանուշի հուշերը:

Արմեն Ցոլակ Մեսրոպյանը, ով Դիլդիլյան ընտանիքի 3-րդ սերնդի ներկայացուցիչ է, ի մի բերելով եղբայրների` 1872-1923 թթ. ընթացքում կատարած լուսանկարները, առաջին ցուցահանդեսը կազմակերպել էր սույն թվականի ապրիլ ամսին Ստամբուլում:

Վերջերս ցուցահանդեսը տեղափոխել է լուսանկարիչ եղբայրների հայրենիք՝ Մերզիֆոն: Ցուցահանդեսի բացման արարողությանը ներկա է եղել նաև Մերզիֆոնի քաղաքապետ, իշխող «Արդարություն և զարգացում» կուսակցության (ԱԶԿ-AKP) ներկայացուցիչ Իսքենդեր Դողրուն:

Ցուցահանդեսում ներկայացվել են ընտանեկան հավաքածուից շուրջ 600 լուսանկար, որոնցում պատկերված էին Սիվասը, Մերզիֆոնը, Սամսուը, Քոնյան և Ամասիան:

Արմեն Ցոլակ Մեսրոպյանը բացման արարողության ժամանակ հայտնել է, որ երջանիկ է իր ընտանիքին պատկանող լուսանկարները հայրենի հողում ցուցադրելու համար:

Ermenihaber.am

Այս ենթաբաժնի վերջին նորությունները

11:55, 15 ապր

Թուրքիայում կհեռարձակվի առաջին հայկական սերիալը

Սերիալը կհեռարձակվի «Լույս TV»-ի եթերում՝ հայերեն հնչողությամբ և թուրքերեն ենթագրով։

15:20, 11 ապր

Բուրսայում փլուզման եզրին գտնվող 300-ամյա հայկական եկեղեցին կվերածվի մշակութային կենտրոնի

Եկեղեցուն զուգահեռ վերանորոգվելու է հարակից տարածքում գտնվող և նախկինում ÇEK-ի կողմից շահագործված շենքը, որը ևս մշակութային կենտրոնի մի մասն է կազմելու: