«Երկրորդ աչք, կին լուսանկարիչներ Թուրքիայից». Մարիամ Շահինյանի պատմությունը

Մշակութային15:04, 31 Հոկտեմբեր 2013

«Երկրորդ աչք, կին լուսանկարիչներ Թուրքիայից». Մարիամ Շահինյանի պատմությունը

Ստամբուլում Հունաստանի դեսպանատանը կից «Sismanoglio Megaro» սրահում նոյեմբերի 29-ին կանցկացվի ցուցահանդես նվիրված Թուրքիայի առաջին զբոսաշրջային և ռազմական լուսանկարիչ Սեմիհա Էսին:

Ցուցահանդեսը կրում է «Երկրորդ աչք, կին լուսանկարիչներ Թուրքիայից» խորագիրը: Ցուցահանդեսում բացի Սեմիհա Էսի լուսանկարներից, կներկայացվեն նաև Թուրքիայում ապրած այլ լուսանկարչուհիների գործեր:

Ցուցահանդեսի բացմանը ջազ երաժիշտ և երգահան Այշե Թութունջուն կկատարի Թուրքիայում ապրած հայտնի կին լուսանկարիչների, այդ թվում է Թուրքիայի առաջին պրոֆեսիոնալ հայ լուսանկարչուհի Մարիամ Շահինյանի (1911-1996) հիշատակին գրած ստեղծագործությունը:

Նշենք, որ Մարիամ Շահինյանը ծնվել է 1911թ Սվազի ամենաշքեղ տներից մեկում` Շահինյան դղյակում: Մարիամի պապը 1877թ.-ին առաջին Օսմանյան խորհրդարանում ներկայացնում էր Սվազ քաղաքը: Սակայն պատգամավորի թոռի անհոգ կյանքը 1915 թվականին հանկարծակի փոխվեց, երբ Սվազի ամենահզոր ընտանիքներից մեկը` Շահինյանների ընտանիքը, թողնելով իր ենթակայության տակ գտնվող 30 գյուղեր, 5 ալյուրի գործարաններ, մեծ քանակությամբ անշարժ գույք և Շահինյան դղյակը, գաղթեցին Ստամբուլ:

Մարիամի հայրը լուսանկարիչ էր, և նա դպրոցն ավարտելուց հետո հոր մոտ է աշխատանքի է անցնում: Իսկ 1937 թվականին, իր ուսերին վերցնելով ամբողջ ընտանիքի հոգսը, որոշում է հոր ստուդիայի ղեկավարումը իր ձեռքը վերցնել: Նա եղել է Թուրքիայի առաջին հայ պրոֆեսիոնալ լուսնկարչուհին:

Մարիամ Շահինյանը մահացել է 1996 թվականին և թաղված է Շիշլիի հայկական գերեզմանատանը:

Ermenihaber.am

Այս ենթաբաժնի վերջին նորությունները

18:05, 20 նոյ

Կարսի մարզպետարանը բարեկարգում է Անիի ավերակներ տանող ճանապարհը

հայոց միջնադարյան մայրաքաղաքը շարունակում է մեծ ուշադրության արժանանալ տեղացի ու օտարերկրյա զբոսաշրջիկների կողմից։

14:22, 18 նոյ

Թուրքական թատերական խմբակը Երևանում հանդես եկավ սարոյանական ներկայացմամբ (Տեսանյութ)

Թատերական խմբակի ղեկավար Էրթյուրք Էրքեքը ներկայացման վերջում պատասխանել է հանդիսատեսի հարցերին։

10:15, 07 նոյ

Ղրղզստանի մայրաքաղաքում թուրքական մշակույթի կենտրոն է բացվել

«Մենք այստեղ ենք՝ ներկայացնելու մեր լեզուն, մշակույթը և կիսելու մեր ընդհանուր ժառանգությունը»,-ասվել է Յունուս Էմրեի անվան համալսարանի սոցցանցյան գրառման մեջ։