Աթաթուրքի պատկերը հանվել է մեդալներից. թուրք փաստաբանները դիմել են դատարան

Իրավական09:54, 09 Նոյեմբեր 2013

Աթաթուրքի պատկերը հանվել է մեդալներից. թուրք փաստաբանները դիմել են դատարան

Անկարայի փաստաբանների միությունը Թուրքիայի պետական շքանշաններից և մեդալներից հանրապետության հիմնադիր և առաջին նախագահ Քեմալ Աթաթուրքի ուրվապատկերը (սիլուետ) և Թուրքիայի Հանրապետության TC (ԹՀ) հապավումը հանելու կապակցությամբ հայցով դիմել է դատարան: Մեղադրող կողմը պահանջում է չեղյալ հայտարարել մեդալների ու շքանշանների արտաքին տեսքի փոփոխությանը վերաբերող կառավարության որոշումը:

«Ամեն պետության համար արժանապատվության հարց է իր հիմնադրին հիշելը: Իսկ ահա իր հիմնադրին չեղյալ համարող պետութունը հետո կհերքի նաև իր պատմությունը և անցյալը»,- ըստ «Հաբերաժ» լրատվական կայքի` ասված է փաստաբանների հայտարարությունում:

Հիշեցնենք, որ Թուրքիայի կառավարությունը, ստանալով նախագահի հավանությունը, փոփոխությունների է ենթարկել պետական շքանշանների և մեդալների արտաքին տեսքը: Արդյունքում «Պետության շքանշան»-ից հեռացվել է Աթաթուրքի պատկերը, իսկ «Հանրապետության շքանշան»-ի վրայից հանվել է նախկինում եղած TC հապավումը: Փոխարենը ընդգծվել է կիսալուսնի և աստղի սիմվոլիկան:

Ermenihaber.am

Այս ենթաբաժնի վերջին նորությունները

11:59, 22 նոյ

Թուրքիան ներառված չէ այն երկրների ցանկում, որտեղ Իսրայելի վարչապետը չի կարող մեկնել

Միջազգային քրեական դատարանն Իսրայելի վարչապետին և նախկին պաշտպանության նախարարին «պատերազմական հանցագործության» մեղադրանքով ձերբակալելու որոշում էկայացրել։

13:07, 20 նոյ

ԱՄՆ-ն պատժամիջոցներ է սահմանել Թուրքիայում գտնվող ՀԱՄԱՍ-ի անդամների դեմ

ԱՄՆ-ի ֆինանսների նախարարությունը հրապարակել է Պաղեստինի Գազայի հատվածում իշխող «ՀԱՄԱՍ» խմբավորման անդամների նոր ցուցակ, ովքեր հայտնվել են պատժամիջոցների տակ։