Ահմեթ Հաքան. «Եթե ազգականիդ թեկուզ կատակով հայ ասես, քեզ կարող է դատի տալ»

Հասարակական11:12, 25 Նոյեմբեր 2013

Ահմեթ Հաքան. «Եթե ազգականիդ թեկուզ կատակով հայ ասես, քեզ կարող է դատի տալ»

Թուրք սյունակագիր Ահմեթ Հաքանը Թուրքիայում «հայի» ինքնության հարցին վերաբերող հոդված է հրապարակել: Սյունակագիրը «գազեթեջիլեր» կայքում «Կորցրեց» վեր- տառությամբ հոդվածում քննադատորեն է մոտենում Թուրքիայում «հայ» բառն որպես հայհոյանք արտաբերելու, բառի հանդեպ հասարակության մեջ առկա բացասական արձագանքներին: Հաքանը այս բացասական երևույթը հոդվածի առանցքային թեմա է դարձրել՝ շոշափելով նույնիսկ երկրի նախագահ Գյուլի` մոր հայ լինել-չլինելու հանգամանքը:

Ստորև ներկայացվում է հատվածներ «Կորցրեց» վերտառությամբ հոդվածից.

«Թուրքիայի «Ժողովրդահանրապետական կուսակցության» (CHP-ԺՀԿ) պատգմավորներից Ջանան Անթմանը իր հարցազրույցներից մեկի ժամանակ նախագահ Աբդուլլահ Գյուլին վերաբերող խոսքեր էր ասել. «Պարոն Գյուլը թող ո՛չ թե էթնիկ ինքնությամբ, այլ թուրք ազգի նախագահությամբ զբաղվի: Հարգարժան Գյուլի մայրը ինքնությամբ հայ է, Գյուլի քեռին`Իզմիրում գտվնող իմ գործընկեր Ահմեթ Սաթըօղլուն, այս մասին իր օգնականներին էր ասել»:

Պատգամավորի այս խոսքերի հիման նախագահ Գյուլը ոչ միայն դատական հայց էր ներկայացրել ընդդեմ թուրք պատգամավորի՝ որպես բարոյական փոխհատուցում պահանջելով սիմվոլիկ գումար, այլ նաև շահել է այն: Թուրք պատգամավորին ներկայացվել էր մեղադրանք, ըստ որի, վերջինս իր ելույթում վիրավորել էր նախագահ Գյուլին և նրա ընտանիքին:

Այսինիքն… Այս ամենը նշանակում է, որ նույնիսկ ամենամեծ դատարանը ինքնությամբ «հայ» լինելը համարում է որպես «անբարոյականություն»: Ավելին, այն հաստատվեց դատավորի կողմից:

Աստված չանի, նույնիսկ եթե կատակով ազգականիդ հայ ասես, ապա նա կարող է քեզ դատի տալ:

Այդ ամենը կարելի է բնորոշել մեկ բառով՝ աբսուրդ»:

Ermenihaber.am