Թուրքական մամուլ. «Հայ որբերի գորգի խնդիրը նոր թափ է ստանում»

Մշակութային12:05, 25 Նոյեմբեր 2013

Թուրքական մամուլ. «Հայ որբերի գորգի խնդիրը նոր թափ է ստանում»

Վերջին ժամանակներում թուրք-ամերիկյան, ինչպես նաև հայկական լայն շրջանակներում լայնորեն քննարկվում է «Որբերի գորգի» պատմությունը: Ինչպես հայտնի է 1915 թվականին Օսմանյան կայսրությունում ցեղասպանությունից փրկված և Ամերիկայի Միացյալ Նահանգներում ապաստանած հայ որբերը՝ որպես շնորհակալություն գործել և ԱՄՆ նախագահ Քելվին Քուլիջին են հանձնել մի գորգ: Ըստ շրջանառվող խոսակցությունների՝ այդ գորգը պետք ցուցադրվեր Սմիթսոնի ինստիտուտում, սակայն այս հանգամանքը առաջացրել էր թուրքական կողմի զայրույթը: Վերջինս փորձել է ամեն գնով խոչընդոտել գորգի ցուցադրությանը: Թուրքական «հաբերթուրք» լրատվական կայքը հայտնում է, որ «Որբերի գորգի» ցուցադրման խնդիրը Ամերիկայի Միացյալ Նահանգների քաղաքական տարբեր ուժերի միջև իսկական գլխացավանք է դարձել՝ վերածվելով աղմկահարույց մի պատմության: Նախատեսվում էր այն ցուցադրել Սմիթսոն Իստիտուտում, սակայն այս որոշումն առանց պատճառաբանությամբ փոխվեց: Բացասական արձագանքով է հանդես եկել ԱՄՆ-ում հայկական լոբբին, որի նախաձեռնությամբ 31 անդամների ստորագրություններ պարունակող նամակ է ուղարկվել Սպիտակ տուն:

ԱՄՆ կոնգրեսի հայկական լոբբիի առաջատար անձանցից ԱՄՆ ներկայացուցիչների պալատի անդամ Ադամ Շիֆը ասել է, որ եթե գորգը չցուցադրվի ինստիտուտում, ապա ինքը ձեռնամուխ կլինի, որ այն ցուցադրվի ԱՄՆ կոնգրեսում:

Նույն աղբյուրում նշվում է, որ նախկինում Ադամ Շիֆը ևս հանդես է եկել նմանատիպ նախաձեռնությամբ՝ ԱՄՆ կոնգրես ներկայացնելով Հայոց ցեղասպանությունը հաստատող օրինագիծ: Նշվում է, որ գորգի չցուցադրումը կապված է Թուրքիայի կողմից գործադրված ճնշումների հետ: Հիշեցնենք որ, գորգն ԱՄՆ նախագահ Քելվին Քուլիջին է նվիրաբերվել 1925 թվականի դեկտեմբերի 4-ին:

Ermenihaber.am

Այս ենթաբաժնի վերջին նորությունները

18:05, 20 նոյ

Կարսի մարզպետարանը բարեկարգում է Անիի ավերակներ տանող ճանապարհը

հայոց միջնադարյան մայրաքաղաքը շարունակում է մեծ ուշադրության արժանանալ տեղացի ու օտարերկրյա զբոսաշրջիկների կողմից։

14:22, 18 նոյ

Թուրքական թատերական խմբակը Երևանում հանդես եկավ սարոյանական ներկայացմամբ (Տեսանյութ)

Թատերական խմբակի ղեկավար Էրթյուրք Էրքեքը ներկայացման վերջում պատասխանել է հանդիսատեսի հարցերին։

10:15, 07 նոյ

Ղրղզստանի մայրաքաղաքում թուրքական մշակույթի կենտրոն է բացվել

«Մենք այստեղ ենք՝ ներկայացնելու մեր լեզուն, մշակույթը և կիսելու մեր ընդհանուր ժառանգությունը»,-ասվել է Յունուս Էմրեի անվան համալսարանի սոցցանցյան գրառման մեջ։