Անգոլայում իսլամն արգելվում է, մզկիթները` քանդվում

Միջազգային07:42, 26 Նոյեմբեր 2013

Անգոլայում իսլամն արգելվում է, մզկիթները` քանդվում

Անգոլայում արգելվել է իսլամ դավանել: Աֆրիկյան այս երկրի իշխանությունները, իսլամը ոչ թե կրոն, այլ պաշտամունք համարելով, իսլամին վերաբերող յուրաքանչյուր երևույթի վրա արգելք են դրել:

Թուրքական «Հաբեր ա» լրատվական կայքը հայտնում է, որ հոկտեմբերին Անգոլայի իշխանությունները հայտնել էին մզկիթների ոչնչացման մասին: Անգոլայի կրթության նախարար Ռոզա Քրուզ Սիլվիան հանդես էր եկել հայտարարությամբ, համաձայն որի, երկրի Արդարադատության և մարդու իրավունքների պաշտպանության նախարարությունը մահմեդականություն օրինական չի համարում և, ըստ այդմ էլ` երկրում առկա բոլոր մզկիթները դիտվում են քանդման ենթակա:

Նույն աղբյուրը նշում է, որ արդեն քանդվել է Լուանդա շրջանում գտնվող 2 մզկիթներից մեկի մինարեթը, իսկ մյուսն ամբողջությամբ ապամոնտաժվել է:

Անգոլայի բնակչության 95 տոկոսը կազմում են բողոքական քրիստոնյաները, իսկ մահմեդականների ընդհանուր թիվը 80-90 հազար է, որն էլ կազմում է բնակչության 3 տոկոսը: