Եվրադատարանը մեղավոր է ճանաչել իր քաղաքացուն հաշմանդամ դարձրած Թուրքիային

Իրավական09:51, 27 Նոյեմբեր 2013

Եվրադատարանը մեղավոր է ճանաչել իր քաղաքացուն հաշմանդամ դարձրած Թուրքիային

Մարդու իրավունքների եվրոպական դատարանը (ՄԻԵԴ) բավարարել է Թուրքիայի քաղաքացի Հըդըր Թայդաշի 2099 թվականին ներկայացրած հայցը: Եվրադատարանը վճիռ է կայացրել, որ թուրքական պետությունը պետք է 52 հազար եվրո նյութական փոխհատուցում վճարի Հըդըր Թայդաշին:

Ինչպես հայտնում է թուրքական «Հաբերլեր» լրատվական կայքը, Թուրքիան մեղավոր է ճանաչվել Մարդու իրավունքների եվրոպական կոնվենցիայի կյանքի իրավունքի մասին հոդվածի պահանջները խախտելու մեջ:

2007 թվականին, երբ թուրքական ժանդարմերիայի ուժերը կրակ էին բացել Թունջելիում գտնվող մի տան ուղղությամբ, Հըդըր Թայդաշը լուրջ մարմնական վնասվածք էր ստացել, ինչի հետևանքով դարձավ հաշմանդամ:

Դատավարության ընթացքում Թուրքիայի շահերը ներկայացնող փաստաբանները նշում էին, որ թուրք ուժայինները գրոհել են այն տունը, որտեղ հավաքված են եղել քուրդ ահաբեկիչները, իսկ Թայդաշի վրա կրակ են բացել, քանի որ նրա ձեռքին զենք է եղել ու նա փորձել է փախչել: Սակայն թուրքական պաշտոնական կողմը նշյալ փաստարկները հիմնավորել չի հաջողել ու տանուլ է տվել դատը:

Ermenihaber.am

Այս ենթաբաժնի վերջին նորությունները

11:59, 22 նոյ

Թուրքիան ներառված չէ այն երկրների ցանկում, որտեղ Իսրայելի վարչապետը չի կարող մեկնել

Միջազգային քրեական դատարանն Իսրայելի վարչապետին և նախկին պաշտպանության նախարարին «պատերազմական հանցագործության» մեղադրանքով ձերբակալելու որոշում էկայացրել։

13:07, 20 նոյ

ԱՄՆ-ն պատժամիջոցներ է սահմանել Թուրքիայում գտնվող ՀԱՄԱՍ-ի անդամների դեմ

ԱՄՆ-ի ֆինանսների նախարարությունը հրապարակել է Պաղեստինի Գազայի հատվածում իշխող «ՀԱՄԱՍ» խմբավորման անդամների նոր ցուցակ, ովքեր հայտնվել են պատժամիջոցների տակ։