Նոր զարգացումներ Դինքի սպանության դատավարության շուրջ

Իրավական07:19, 27 Նոյեմբեր 2013

Նոր զարգացումներ Դինքի սպանության դատավարության շուրջ

Ստամբուլի ծանր հանցագործությունների 14-րդ դատարանը մերժել է Տրապիզոն նահանգի ոստիկանության նախկին պետ գնդապետ Ալի Օզի դատական գործը Հրանտ Դինքի գործին կցելու հայցը:

Ալի Օզը «Ակոս» շաբաթաթերթի հիմնադիր-խմբագրապետ Հրանտ Դինքի սպանության ժամանակ զբաղեցրել է Տրապիզոն նահանգի ոստիկանության հրամանատարի պաշտոնը: Օզը Դինքի դեմ մահափորձի վերաբերյալ տեղեկություններ է ունեցել, բայց որևէ կանխարգելիչ միջոցառումներ չի իրականցրել: Նրան մեղադրանք էր առաջադրվել ծառայողական անփութության փաստարկով, որը քննել էր Տրապիզոնի ծանր հանցագործությունների 1-ին դատարանը և որոշում կայացրել հայցն ուղարկել Դինքի գործը քննող Ստամբուլի ծանր հանցագործությունների 14-րդ դատարանը:

Ստամբուլի դատարանը մերժել է իրար կցել նշյալ 2 գործերը՝ նշելով, որ դրանց միջև իրավական և փաստացի կապ գոյություն չունի: Դատարանի որոշման մեջ նշված է, որ 2 գործերը քննել է նաև Վճռաբեկ դատարան, որը գործերի միավորման հարցում որոշում չի կայացրել:

Թուրքական «Մինութ 15» լրատվական կայքը ներկայացնում է դատարանի այս որոշումից հետո գործերի հետագա շարունակության հնարավոր տարբերակները:

Տրապիզոնի դատարանը կարող է շարունակել դատական գործը կամ էլ պահանջել իրար միացնել այդ գործերը : Այդ պարագայում գործը կուղարկվի Վճռաբեկի հանցագործուրթյունների բաժին, որը զբաղվում է դատարանների միջև առաջացած անհամաձայնություններով: Այս կառույցն էլ որոշում կկայացնի, թե որ դատարան է զբաղվելու այդ հարցով:

Ermenihaber.am

Այս ենթաբաժնի վերջին նորությունները

11:59, 22 նոյ

Թուրքիան ներառված չէ այն երկրների ցանկում, որտեղ Իսրայելի վարչապետը չի կարող մեկնել

Միջազգային քրեական դատարանն Իսրայելի վարչապետին և նախկին պաշտպանության նախարարին «պատերազմական հանցագործության» մեղադրանքով ձերբակալելու որոշում էկայացրել։

13:07, 20 նոյ

ԱՄՆ-ն պատժամիջոցներ է սահմանել Թուրքիայում գտնվող ՀԱՄԱՍ-ի անդամների դեմ

ԱՄՆ-ի ֆինանսների նախարարությունը հրապարակել է Պաղեստինի Գազայի հատվածում իշխող «ՀԱՄԱՍ» խմբավորման անդամների նոր ցուցակ, ովքեր հայտնվել են պատժամիջոցների տակ։