Անկարայի քաղաքապետի թեկնածուն ժամանակին Օջալանին ծագումով հայ է անվանել

Հասարակական09:09, 29 Նոյեմբեր 2013

Անկարայի քաղաքապետի թեկնածուն ժամանակին Օջալանին ծագումով հայ է անվանել

Թուրքիայում տեղական ինքնակառավարման մարմինների ընտրություններին ընդառաջ կուսակցությունները ներկայացնում են իրենց թեկնածուներին:
Թուրքիայի վարչապետ Ռեջեփ Թայիփ էրդողանը իշխող «Արդարություն և զարգացում» կուսակցությունից որպես Անկարայի քաղաքապետի թեկնածու ներկայացրել է Մելիհ Գյոքչեքին:
Թուրք լրագրող Էրդալ Քեսիքինը «Ջաֆեսիյասեթ» լրատվական կայքում հրապարակված «Հետաքրքիր մարդ է այդ Մելիհը» վերնագրով հոդվածում անդրադարձել է Մելիհ Գյոքչեքի գործունեությանը:

Հոդվածագիրը նշում է, որ ամեն անգամ ընտրություններից առաջ լուրեր են տարածվում, թե Էրդողանը Մելիհի թեկնածությունը չի առաջադրի, սակայն ինչ իշխանության գլխին ԱԶԿ-ն է գտնվում, նա արդեն հաջողացրել է 3 անգամ թեկնածու դառնալ:

Հոդվածագիրը գրում է, որ Մելիհը պահի տակ կարողանում է ճիշտ կողմնորոշվել՝ հիշեցնելով լրագրող Ֆեհմի Չալմուքի «Էրբաքանի քրդերը» գրքից մի հատված:

Նշվում է, որ երբ Մելիհը դեռ «Բարօրորություն» կուսկացության անդամ էր, քրդերի առաջնորդ Աբդուլլահ Օջալանի մորը ծագումով հայ էր անվանել: Նրա խոսքերը տպագրվել էին կուսակցության պաշտոնական թերթում, որից հետո մեծ աղմուկ էր բարձրացել: Իսկ երբ այդ ամենին գումարվել էր արևելյան շրջանների կազմակերպությունների և կուսակցության գլխավոր խորհրդի դժգոհություն Մելիհ Գյոքչեքը գնում է լուրը տպագրած թերթի՝ Անկարայում գտնվող գրասենյակ՝ պահանջելով հերքել լուրը: Ինչպես հայտնում է հոդվածագիրը, նա անձամբ է գրումը հերքումը՝ ինքն իրեն հարց ու պատասխան տալով:
Գյոքչեքը ինքն իրեն ուղղած հարցին պատասխանել է, թե իր ասածները թերթը սխալ է մեկնաբանել, իսկ ինքը պարզապես հայտնել էր, որ մեկ այլ կուսակցությունից ինչ-որ պատգամավոր ասել էր, թե Ափոյի (Աբդուլլահ Օջալան-խմբ.) մայրը հայ է: Իսկ իր տվյալներով Օջալանի մայրը սովորական կին է, ով օրական 5 անգամ նամազ է անում:

Ermenihaber.am