ERMENI HABER AJANSI

Թուրքիայի վիճակագրական ծառայությունը տվյալներ է հրապարակել հոկտեմբերին գրանցված արտաքին առևտրաշրջանառության ծավալների վերաբերյալ:

Նախորդ տարվա նույն հաշվետու ժամանակահատվածի համեմատ արտահանման ծավալները նվազել են 8.2 տոկոսով` կազմելով 12 մլրդ 105 մլն դոլար, իսկ ներմուծումն ավելացել է 3.7 տոկոսով` հասնելով 19 մլրդ 480 միլիոն դոլարի: Ըստ այդմ արտաքին առևտրի դեֆիցիտն ավելացել է 31.8 տոկոսով` 5 մլրդ 596 մլն դոլարից հասնելով 7 մլրդ 375 միլիոնի:

Պարզվել է, որ Եվրամիության երկրներ կատարվող արտահանման ծավալներն աճել են: Այսպես, եթե 2012 թվականի հոկտմեբերին երկրից արտահանվող ապրանքների մեջ ԵՄ-ին բաժին էր ընկնում 40.1 տոկոսը, ապա այս տարվա հոկտեմբերին այդ ցուցանիշը կազմել է 43.8 տոկոս:

Թուրքական արտահանման ամենամեծ շուկան Եվրամիության երկրներից ճանաչվել է Գերմանիան:

Ներմուծման ծավալների մեջ ամենամեծ մասնաբաժինն ունի Չինաստանը: Այդ երկրից Թուրքիա ներկրվել է 1 մլրդ 963 մլն դոլարի ապրանք: Չինաստանին հաջորդում է Գերմանիան` 1 մլրդ 826 մլն դոլար ցուցանիշով: Երրորդ և չորրորդ տեղերը զբաղեցնում են Ռուսաստանը (1 մլրդ 812 մլն) և Իտալիան (1 մլրդ 132 մլն):

Ermenihaber.am