Թուրք վերլուծաբանը ներկայացնում է աշխարհի թեժ կետերը. նշված են նաև Ղարաբաղն ու Հայաստանը

Միջազգային08:11, 03 Դեկտեմբեր 2013

Թուրք վերլուծաբանը ներկայացնում է աշխարհի թեժ կետերը. նշված են նաև Ղարաբաղն ու Հայաստանը

Աշխարհի մեկ երրորդը ընդվզում է. 60 երկրում արյունալի պատերազմ է ընթանում, որոնց մեջ ներգրավված են 490 տարբեր խմբեր: Այսպիսի եզրահանգման է եկել թուրքական «Իլհաս» լրատվական գործակալության կայքում հրապաարակված հոդվածի հեղինակ Օսման Սաղըրլըն: Նա նշում է, որ խռովությունները, ընդվզումները կամ սեփական իշխանությունների դեմ է, կամ էլ կորցրած հողերի համար:

Նա, ըստ մայրցամաքների, ցույց է տալիս խռովություններն ընդգրկող աշխարհագրությունը:

Աֆրիկա. խռովություններ 24 երկիրում ծայրահեղական 140 խմբերի մասնակցությամբ: Թեժ կետերն են Սուդանը, Հարավային Սուդանը, Սոմալին, Դարֆուրը և այլն:

Ասիա. Բախումներ են տեղի ունենում 15 երկրներում, որոնց մեջ ներգրավված են 116 անջատողական խմբեր: Աֆղանստան, Մյանմար, Պակիստան, Հնդկաստան, Լեռնային Ղարաբաղ, Ինդոնեզիա և այլն:

Եվրոպայի 8 երկրներում 65 տարբերի խմբերի միջև բախումներ են լինում: Ռուսաստանում՝ Չեչնիա, Դաղստան, Ֆրանսիայում՝ Կորսիկա, Հյս. Իռլանդիան՝ Մեծ Բրիտանիայում, բասկերը՝ Իսպանիայում, Աբխազիան և Հրվ. Օսետիան՝ Վրաստանում:

Ամերիկայի 5 երկրներում թմրանյութերի, անջատողականների և ծայրահեղական խմբերի միջև բախումներ են տեղի ունենում, որի մեջ ներգրավված են 25 խմբեր: Հիմնականում բախումներ են լինում Մեկսիկայում և Կոլումբիայում:

Միջին Արևելքի 8 երկրում արյունալի բախումներ են լինում: Թեժ կետերն են Իրաքը, Իսրաելը, Սիրիան, Եմենը:

Հոդվածում Հայաստանը նույնպես հիշատակվում է՝ կապված ոչ միայն ղարաբաղյան հակամարտության հետ, այլ նաև իշխանությունների դեմ ընդվզումով, որի պատճառը տնտեսական ճգնաժամն է:

Ուշագրավ է, որ հոդվածում Թուրքիայի մասին մեկ-երկու կցկտուր խոսք է ասվում, չնայած Գեզի զբոսայգու համար պայքարն ընդգրկել էր ամբողջ երկիրը և շաբաթներ շարունակ ոստիկանների և ցուցարարների միջև արյունալի բախումներ էին տեղի ունենում: Իսկ քրդական գործոնի մասին ընդհանրապես ոչինչ չի հաղորդվում:

Ermenihaber.am