Թուրքական կայքն անդրադարձել է «Սարոյանի երկիր» ֆիլմին (տեսանյութ)

Մշակութային09:53, 05 Դեկտեմբեր 2013

Թուրքական կայքն անդրադարձել է «Սարոյանի երկիր» ֆիլմին (տեսանյութ)

Թուրքիայում հրապարակվող երկլեզու «Ակոս» շաբաթաթերթի հիմնադիր-խմբագրապետ Հրանտ Դինքի եղբոր՝ Խոսրովի դուստրը՝ Լուսին Դինքը, ֆիլմ է նկարահանել ամերիկացի աշխարհահռչալ գրող հայազգի Վիլյամ Սարոյանի մասին: Այն կոչվում է «Սարոյանի երկիր» (Saroyanland):

Թուրքական «Հաբերահվալ» լրատվական կայքը ներկայացրել է ֆիլմի սյուժեն:

«Լուսին Դինքը, հայտնի գրող Վիլիամ Սարոյանի 1908-1981թթ. ծննդավայր՝ Բիթլիս ճամփորդության հետքերով գնալով, մեզ է ներկայացնում այդ ճանապարհորդությունը: Սարոյանը ծնվել է ԱՄՆ-իԿալիֆորնիա նահանգի Ֆրեզնո քաղաքում, քանի որ ընտանիքը բռնի տեղահանության էր ենթարկվել: Նա իր ծննդավայրը երբեք չէր տեսել, բայց նրա գրեթե բոլոր պատմվածքներում և պիեսներում Բիթլիսը ներկայացվում է: Սարոյանը 1964 թվականի գարնանն ԱՄՆ-ից ինքնաթիռով Ստամբուլ է եկել, հետո Անկարայից անցել Տրապիզոն, որտեղից էլ մի քանի օր տևած ճանապարհորդությունից հետո հասել է Բիթլիս»,- գրում էթուրքական կայքը:

Ֆիլմը հայ-ֆրանս-թուրքական համատեղ արտադրության է:

Թողարկման ամսաթիվ՝ 2013 դեկտեմբեր 6

Ժանր՝ վավերագրական, կենսագրական, դրամա

Ռեժիսյոր՝ Լուսին Դինք

Դերասաններ՝ Գևորգ Մալիքյան, Սեվինջ Էրոլ, Արա Մկրտչյան

Սցենարիստ՝ Լուսին Դինք

Պրոդյուսեր՝ Օզջան Ալփեր, Գարուն Ապրիկյան

Ermenihaber.am

Այս ենթաբաժնի վերջին նորությունները

18:05, 20 նոյ

Կարսի մարզպետարանը բարեկարգում է Անիի ավերակներ տանող ճանապարհը

հայոց միջնադարյան մայրաքաղաքը շարունակում է մեծ ուշադրության արժանանալ տեղացի ու օտարերկրյա զբոսաշրջիկների կողմից։

14:22, 18 նոյ

Թուրքական թատերական խմբակը Երևանում հանդես եկավ սարոյանական ներկայացմամբ (Տեսանյութ)

Թատերական խմբակի ղեկավար Էրթյուրք Էրքեքը ներկայացման վերջում պատասխանել է հանդիսատեսի հարցերին։

10:15, 07 նոյ

Ղրղզստանի մայրաքաղաքում թուրքական մշակույթի կենտրոն է բացվել

«Մենք այստեղ ենք՝ ներկայացնելու մեր լեզուն, մշակույթը և կիսելու մեր ընդհանուր ժառանգությունը»,-ասվել է Յունուս Էմրեի անվան համալսարանի սոցցանցյան գրառման մեջ։