Իրավական08:51, 06 Դեկտեմբեր 2013
Թուրքիայի իշխանությունները դատի են տվել ընդդիմադիր «Taraf» թերթին
Թուրքիայի կառավարությունը, Ազգային անվտանգության խորհուրդը (ԱԱԽ) և Ազգային
հետախուզական ծառայությունն ընդդիմադիր հրապարակումներով աչքի ընկնող թուրքական «Թարաֆ»
թերթի դեմ առանձին-առանձին հայցեր են ներկայացրել Անկարայի հանրապետական
դատախազություն:
«Անադոլու» լրատվական գործակալությունը տեղեկացնում է, որ պատճառը վերջին օրերին «Թարաֆ» թերթում հրապարակված լրագրող Մեհմեթ Բարանսուի ստորագրությամբ լուրերն են եղել:
Թուրքական կառավարության իրավաբանական ծառայությունը պարզաբանել է, որ փորձ է արվել զրպարտության միջոցով կառավարության աշխատակից, խորհրդական Էֆքան Ալային վերագրել հակաօրինական գործողություններ, ինչի համար էլ հայց է ներկայացվել դատարան «Թարաֆ»-ի լրագրողի դեմ:
Ազգային անվտանգության խորհրդի ներկայացրած դատական հայցը հիմնավորվում է այն հանգամանքով, որ «Թարաֆ»-ի լրագրողը խախտել է ԱԱԽ-ի որոշումների գաղտնիության պահպանման կանոնը և պարբերաբար հանրայնացրել թեման:
Իսկ արտգործնախարարության ներկայացրած հայցի մեջ պահանջվում է քրեական հետապնդում իրականացնել լրագրող Բարանսուի և ընդհանրապես «Թարաֆ» թերթի պատասխանատուների նկատմամբ:
Անկարայի դատախազությունն ընդունել է ներկայացված երեք հայցերը և ուղարկել Ստամբուլի դատախազության վարույթ:
Ermenihaber.am
Այս ենթաբաժնի վերջին նորությունները
Միջազգային քրեական դատարանն Իսրայելի վարչապետին և նախկին պաշտպանության նախարարին «պատերազմական հանցագործության» մեղադրանքով ձերբակալելու որոշում էկայացրել։
ԱՄՆ-ի ֆինանսների նախարարությունը հրապարակել է Պաղեստինի Գազայի հատվածում իշխող «ՀԱՄԱՍ» խմբավորման անդամների նոր ցուցակ, ովքեր հայտնվել են պատժամիջոցների տակ։
Իր հարազատների հետ քուրդ դատապարտյալի հեռախոսազրույցն անջատվել է քրդերեն խոսելու պատճառով։
Ուղիղ խոսք
Անկարայում հարձակում TUSAŞ-ի վրա․ մանրամասներ և վերլուծություն
ամենաշատ ընթերցված
Օրացույց
Հարցումներ
Այս տարի կբացվի՞ հայ-թուրքական սահմանը 2 երկրների քաղաքացիների համար:
արտարժույթ
| EUR | TRY | USD |
| 549.84 | 90.05 | 485.12 |