Ստամբուլի դատարանը ճանաչել է երեխայի հայ լինելը և արտոնել նրան հայկական դպրոց ընդունվել

Իրավական09:11, 06 Դեկտեմբեր 2013

Ստամբուլի դատարանը ճանաչել է երեխայի հայ լինելը և արտոնել նրան հայկական դպրոց ընդունվել

Թուրքիայում հաջողությամբ է ավարտվել երեխային հայկական դպրոց ուղարկելուն խոչընդոտած «ազգության կոդի» առնչությամբ սկսված դատավարությունը:

Հայկական ինքնությանը վերադարձած և անձնագրային նշման մեջ մուսուլմանությունը քրիստոնեությամբ փոխարինած կինը ցանկացել էր երեխային ուղարկել հայկական դպրոց: Սակայն ամուսնու անձնագրում մուսուլման նշված լինելու պատճառով դպրոցից պահանջել էին, որ ընտանիքը կրթության վարչությունից տեղեկանք բերի առ այն, որ երեխային հայկական դպրոցում գրանցելու համար որևէ խոչընդոտ չկա: Ընտանիքի փաստաբանը դիմել էր Ստամբուլի տարածքային կրթության վարչություն՝ պահանջելով վերոնշյալ տեղեկանքը:

Տեղեկանք տրամադրելու պահանջը քննող Ստամբուլի տարածքային կրթության վարչություն տնօրենի օգնական Ահմեթ Մոլաքը Շիշլիի կրթության վարչությանը ուղղված պաշտոնական գրության մեջ պահանջի մերժումը բացատրել էր 1923 թվականից այս կողմ բնակչության գրանցամատյաններում նշված գաղտնի «ազգության կոդի» առկայությամբ:

Այս դեպքի հրապարակայնացումից հետո սկսվեց «ազգության կոդի» քննարկումները, իսկ գործն ընտանիքի փաստաբանի կողմից տեղափոխվեց դատարան:

«Ակօս» թերթում հրապարակված հոդվածից տեղեկանում ենք, որ Ստամբուլի 7-րդ վարչական դատարանը նոյեմբերի 15-ով թվագրված որոշմամբ ճանաչել է երեխայի հայկական ազգային պատկանելությունը և անհիմն համարել տեղեկանք չտրամադրելու ու երեխային հայկական դպրոցում չգրանցելու համար ներկայացված հիմնավորումները:

Ընտանիքի փաստաբան Իսմաիլ Ջեմ Հալավուրթը նշել է, որ այս որոշմամբ առաջին հերթին ապահովվում է երեխայի հայկական դպրոցում գրանցվելը՝ ավելացնելով, որ որոշումը կարող է նախադեպ դառնալ այլ երեխաների համար:

Ermenihaber.am

Այս ենթաբաժնի վերջին նորությունները

11:59, 22 նոյ

Թուրքիան ներառված չէ այն երկրների ցանկում, որտեղ Իսրայելի վարչապետը չի կարող մեկնել

Միջազգային քրեական դատարանն Իսրայելի վարչապետին և նախկին պաշտպանության նախարարին «պատերազմական հանցագործության» մեղադրանքով ձերբակալելու որոշում էկայացրել։

13:07, 20 նոյ

ԱՄՆ-ն պատժամիջոցներ է սահմանել Թուրքիայում գտնվող ՀԱՄԱՍ-ի անդամների դեմ

ԱՄՆ-ի ֆինանսների նախարարությունը հրապարակել է Պաղեստինի Գազայի հատվածում իշխող «ՀԱՄԱՍ» խմբավորման անդամների նոր ցուցակ, ովքեր հայտնվել են պատժամիջոցների տակ։