Թուրքիայում «Հայի վիժվածք» վիրավորանքի համար պատիժ կսահամանվի

Իրավական09:39, 07 Դեկտեմբեր 2013

Թուրքիայում «Հայի վիժվածք» վիրավորանքի համար պատիժ կսահամանվի

Թուրքիայում բարեփոխումներ նախատեսող «Ժողովրդավարացման փաթեթով» օրինականացման ենթակա մի շարք հարցեր ներառվել են երկրի խորհրդարանի օրակարգ: Ըստ թուրքական «Մեմուրլար» կայքի՝ «ատելության հողի վրա կատարված հանցանքների» և «հանրահավաք-ցույց երթերի» մասին նոր օրենքների հաստատման վերաբերյալ խորհրդարանում քննարկումներ են եղել:

«Հայի վիժվածք» արտահայտությունը վիրավորանք է: Ըստ նախատեսվող օրինագծի՝ 4 տեսակի հանցանքների շարքում «ինչ-որ մեկին վիրավորանք» հասցնելու համար «Հայի վիժվածք» և նմանատիպ վիրավորական արտահայտությունները հանցանքներ են համարվելու: Մեղադրյալին 3 ամսից մինչև 2 տարի ազատազրկում է սպառնում:

Հավատքի և ազգային պատկանելության համար աշխատանք չտրամադրելը, վարձով կացարան չհատկացնելը համարվելու է «ատելության հողի վրա կատարված հանցանք» և դրա համար տվյալ անձին սպառնում է 1-3 տարի ազատազրկում:

Նոր օրինագծերը կխոչընդոտեն նաև ցույցերի, հանրահավաքների և երթերի անցկացմանը: Եթե ցույցերի ժամանակ որևէ բնակիչ բողոք ներկայացնի, որ տվյալ ցույցի կամ այլ միջոցառման հետևանքով խաթարվել է իր անդորրը, ապա դա միջոցառման դադարեցման համար պատճառ կարող է հանդիսանալ:

Ավելին, հանարահավաքների և երթերի ժամանակ հնչեցված արտահայտությունները ցանկացած պարագայում կձայնագրվեն և կտեսանկարահանվեն: Իսկ տվյալ տեսանյութերը կկիրառվեն միայն կասկածյալների կամ մեղադրյալների գործերի հետաքննության համար:

Ermenihaber.am

Այս ենթաբաժնի վերջին նորությունները

11:59, 22 նոյ

Թուրքիան ներառված չէ այն երկրների ցանկում, որտեղ Իսրայելի վարչապետը չի կարող մեկնել

Միջազգային քրեական դատարանն Իսրայելի վարչապետին և նախկին պաշտպանության նախարարին «պատերազմական հանցագործության» մեղադրանքով ձերբակալելու որոշում էկայացրել։

13:07, 20 նոյ

ԱՄՆ-ն պատժամիջոցներ է սահմանել Թուրքիայում գտնվող ՀԱՄԱՍ-ի անդամների դեմ

ԱՄՆ-ի ֆինանսների նախարարությունը հրապարակել է Պաղեստինի Գազայի հատվածում իշխող «ՀԱՄԱՍ» խմբավորման անդամների նոր ցուցակ, ովքեր հայտնվել են պատժամիջոցների տակ։