Քաղաքական08:53, 10 Դեկտեմբեր 2013
Թուրք վերլուծաբան. «Հայաստանի հետ երկխոսության ժամանակը»
Դեկտեմբերի 12-ին Երևանում կայանալիք «Սևծովյան տնտեսական համագործակցություն» (ՍԾՏՀ) կազմակերպության անդամ երկրների արտգործնախարարների նիստին Թուրքիայի արտգործնախարար Ահմեթ Դավութօղլուի մասնակցությունը օրակարգային թեմա թուրքական մամուլի հրապարակումներում: Թուրքական «Թաքվիմ» լրատվական կայքում տեղ է գտել վերլուծաբան Մեհմեթ Չեթինգյուլեչի՝«Հայաստանի հետ երկխոսության ժամանակը» վերտառությամբ հոդվածը Դավութօղլուի` Հայաստանի կատարելիք այցի վերաբերյալ:
«2015 թվականին հայերը ողջ աշխարհը ոտքի կհանեն,- գրում է Չեթինգյուլեչը: - Մինչև այսօր հայերը նպատակ են հետապնդում, որպեսզի ցեղասպանության ճանաչմանն ընդդիմացող ԱՄՆ-ն, Իսրայելը և Անգլիան ևս ճանաչեն այն:
Լավ, իսկ Թուրքիան ի՞նչ է անելու: Ձեռուոտ պետք կապի և նստի՞: Ո՛չ: Ինչքան էլ որ Թուրքիայի արտգործնախարար Ահնեդ Դավութօղլուն դեկտեմբերի 12-ին «ՍԾՏՀ» կազմակերպության անդամ երկրների արտգործնախարարների նիստին մասնակցելու նպատակով այցելի Երևան, իրականում այստեղ քողարկված նպատակ կա: Այդպիսով այցը Հայաստանի հետ հարաբերությունների կարգավորման նոր փուլի առաջին քայլ կարելի է դիտարկել:
Ավելին, պարզվեց, որ Թուրքիան Հայաստանին շատ կարևոր
առաջարկներ է անելու: Այսպիսով երկու երկրների միջև Ալիջանի սահմանային անցակետի
բացման հարցը ևս օրակարգ կներառվի: Սակայն, Հայաստանի առջև պայման է դրվելու, վերջինս պետք վերադարձնի է Ադրբեջանի գրավյալ տարածքների մի հատվածը:
Հիշենք նաև 2008 թվականը, երբ Հայաստանի և Թուրքիայի միջև սկսվեց «ֆուտբոլային դիվանագիտությունը»: Երկու երկրների նախագահներ
Աբդուլլահ Գյուլը և Սերժ Սարգսյանն այցելեցին միմյանց երկրներ՝ դիտելու Հայաստանի
և Թուրքիայի ֆուտբոլի ազգային հավաքականների հանդիպումները: ԱՄՆ ևս ակտիվացավ՝
փորձելով Հայաստանին և Թուրքիային մերձեցնել: Նույնիսկ հարաբերությունների
կարգավորման նախագիծ մշակվեց: Սակայն հայկական սփյուռքի կոշտ արձագանքի հետևանքով
այն ձախողվեց: Եթե այն ժամանակ Հայաստանի և Թուրքիայի միջև հարաբերություններ
հաստատվեին, գուցե և նախադրյալներ ստեղծվեր հայ-ադրբեջանական հակամարտության
լուծման համար, սակայն ամեն ինչ միանգամից կտրվեց»:
Վերջում հոդվածագիրը նշում է, որ հիմա ճիշտ ժամանակն է սատար կանգնել ադրբեջանցի եղբայրներին: Բացի այդ նա, անդարդառնալով 1915 թվականի Հայոց ցեղասպանության խնդրին, հարց է առաջ քաշում, արդյո՞ք կատարվածը ցեղասպանություն է, թե լոկ տեղահանություն, ապա հավելում որ, դա քաղաքանության խնդիր չէ, այլ պատմաբանների: Ըստ Մեհմեթ Չեթինգյուլեչի՝ պատմական ճշմարտությունը կարելի է իմանալ միայն պատմաբաններից և Թուրքիայի ուզածը հենց դա է:
Ermenihaber.am
Այս ենթաբաժնի վերջին նորությունները
Գյուրբյուզ Չափանը անդրադարձել է հայ-թուրքական կարգավորման գործընթացին, պատմել Տեր-Պետրոսյանի հետ հանդիպման, Գորշ գայլերի առաջնորդի կողմից աջակցություն ստանալու և ցեղասպան հորեղբոր մասին։
Համաձայնագրերի ստորագրման արարողությունը կայացել է նախագահական պալատում։
Այցը ծրագրվում է 2025-ին։ Այն իրականացվելու է քրիստոնեական եկեղեցու առաջին տիեզերական ժողովի 1700-ամյակը նշելու համար։
Ուղիղ խոսք
Անկարայում հարձակում TUSAŞ-ի վրա․ մանրամասներ և վերլուծություն
ամենաշատ ընթերցված
Գյուրբյուզ Չափանը անդրադարձել է հայ-թուրքական կարգավորման գործընթացին, պատմել Տեր-Պետրոսյանի հետ հանդիպման, Գորշ գայլերի առաջնորդի կողմից աջակցություն ստանալու և ցեղասպան հորեղբոր մասին։
Լիլիա Ամիրխանյանը Ermenihaber.am-ի հետ զրույցում նշել է, որ հայ-թուրքական սահմանի բացման հարցում տնտեսական էֆեկտները գնահատելու հետ կապված անորոշությունը շատ մեծ են։
Դահլիճում մեկը ոտքի է կանգնել և սկսել Թուրքիայի նախագահին մեղադրել երեսպաշտության մեջ։
«Մենք այնտեղ (ԱՄՆ-ում) 6 հատ F-35 ինքնաթիռ ունենք։ Հիմա, երբ տեսան, որ մենք «Kaan» ենք ստեղծում, նրանց վերաբերմունքը փոխվել է»,-նշել էր Յաշար Գյուլերը։
Թուրքիայում խոշոր սոցհարցում է անցկացվել՝ պարզելու երկրի 81 նահանգների IQ մակարդակը:
Օրացույց
Հարցումներ
Այս տարի կբացվի՞ հայ-թուրքական սահմանը 2 երկրների քաղաքացիների համար:
արտարժույթ
| EUR | TRY | USD |
| 549.84 | 90.05 | 485.12 |