ERMENI HABER AJANSI

Սյունակագիր Մեհմեթ Չեթինգյուլեչը «Ո՞ր երկիրն է կանգնած հայերի տեղահանության հետևում» հոդվածում անդրադարձել է Թուրքիայի արտգործնախարար Ահմեթ Դավութօղլուի՝ «Սևծովյան տնտեսական համագործակցություն» կազմակերպության շրջանակներում Հայաստան կատարելիք այցին:

Չեթինգյուլեչը նշում է, որ եթե հայերը  համաձայնեն Դավութօղլուի՝  Ադրբեջանին Ղարաբաղի շրջակա 7 շրջաններից 2-ը հանձնելու  առաջարկին, ապա հայ-թուրքական հարաբերությունները կարգավորման փուլ կմտնեն: Ըստ թուրք հոդվածագրի՝ ամենկարևորը, սակայն,  կկանխվեն բոլոր այն նախաձեռնությունները, որոնք 2015 թվականին Հայոց ցեղասպանության 100 ամյակը պատրվակ օգտագործելով, կարող են  հանգեցնել 2 երկրների միջև լարվածության աճի և կապերի ամբողջական խզման:

Թաքվիմ» լրատվական կայքում հրապարկված հոդվածում Չեթինգյուլեչը փորձում է տալ մի շարք հարցերի պատասխաններ, որոնք վերաբերում են Հայոց ցեղասպանությանը. 1915 թվականին արդյո՞ք ցեղասպանություն է եղել, թե՞ աքսոր, ինչպե՞ս է ընդունվել տեղահանության որոշումը, ո՞վ կամ ո՞վքեր են դրա հետևում կանգնած:

Վերլուծաբանն այդ հարցերի պատասխանը ստանալու համար դիմում է թուրք պատմաբանների օգնությանը: Նա նշում է, որ  այդ բնագավառում ուսումասիրություններ  կատարած պրոֆեսոր  Իլբեր Օրթայլըն կարծում է, որ հայերի տեղահանության որոշումը բանակի տեղաշարժման  ուղիների անվտանգությունն ապահովելու և մուսուլմանների ու հայերի միջև  բախումները կանխելու նպատակ է ունեցել:

Իսկ բռնի տեղահանման մասին Իլբեր Օրթայլըն  հայտնում է.
«Տեղահանության որոշումն ընդունելու պատճառ է դարձել Առաջին համաշխարհային պատերազմում առաջին պարտությունից հետո զավթիչ (Անտանտ-խմբ.) բանակներին հայերի ցուցաբերած օգնությունը, ինչպես նաև նրանց տեղահանելու գերմանական գլխավոր շտաբի համառ առաջարկները»:

Թուրք սյունակագիրի կարծիքով այս փաստը մտածելու տեղիք է տալիս, քանի որ  հայերի բռնի տեղահանության որոշման մեջ Գերմանիան մեծ ազդեցություն է ունեցել:

Ըստ Չեթինգուլեչի՝ միջազգային հանրությունն պետք է իմանա ճշմարտությունը:

Ermenihaber.am