Մշակութային11:21, 13 Դեկտեմբեր 2013
«Թուրքիայի ձայնը»-ի միակ հայ մասնակիցը պատմում է նախագծին իր մասնակցության մասին
Թուրքիայում անցկացվող «Թուրքիայի
ձայնը» (O ses Türkiye) նախագծի միակ հայ մասնակից Ջորչ Շեքերը նախագծի առաջին փուլում` «կույր
լսումների» ժամանակ, ժյուրիի անդամներին հիացրել էր իր ձայնով, սակայն մրցույթի
հաջորդ` «մենամարտեր» փուլում, դուրս մնաց նախագծից:
Ստամբուլահայ Ջորչը
«Ermenihaber.am»-ին տված բացառիկ հարցազրույցում ներկայացրել է նախագծից իր դուրս
մնալու պատճառները:
Այն հարցին, թե հայկական ինքնությունը ինչ-որ կերպ խանգարել է իր մասնակցությանը
նախագծին, Ջորչը պատասխանեց, որ նախագծում ոչ ոք չգիտի մյուսի ազգային պատկանելիության մասին,
և նույնիսկ նախագծի աշխատանքային խմբում մեծ թվով
ոչ մահմեդականներ են աշխատում:
«Եթե ցանկանային խոչընդոտել մասնակցությանս, չէին թողնի, որ մինչև այդտեղ հասնեմ:
Մնում էր, որ ազգային պատկանելիությանս համար իմ դեմ խոչընդոտներ ստեղծեին: Իմ կարծիքով`
ամեն մարդ ինքն է իրեն խոչընդոտում: Էբրու Գյունդեշը (Ջորչի մարզիչը) մեծ արվեստագետ է: Եթե նա այդպես գնահատեց ինձ, նշանակում է հաջորդ տարի ավելի
շատ պետք է աշխատեմ ու ավելի հզոր երգով ներկայանամ: Արվեստի ամեն ճյուղն
ապաքաղաքականացված է, կրոններ չի ճանաչում: Օրինակ, երբ Չապլինին հարցնում են, թե
ինչու է անձայն ֆիլմեր նկարահանում, ասել է. «Եթե ձայնային ֆիլմ նկարահանեմ, ապա
ինձ միայն անգլիացիները կհասկանան: Իսկ հիմա ինձ ողջ աշխարհը կարող է հասկանալ»:
Հիասքանչ է ասել: Ես էլ եմ այդպես մտածում»,- ասաց է Ջորչը` հավելելով, որ հնարավորության դեպքում ինքն ուժերը կփորձի նաև «Հայաստանի
ձայնը» նախագծում:
Հեղինակ` Աստղիկ Իգիթյան
Ermenihaber.am
Այս ենթաբաժնի վերջին նորությունները
Սերիալը կհեռարձակվի «Լույս TV»-ի եթերում՝ հայերեն հնչողությամբ և թուրքերեն ենթագրով։
Եկեղեցուն զուգահեռ վերանորոգվելու է հարակից տարածքում գտնվող և նախկինում ÇEK-ի կողմից շահագործված շենքը, որը ևս մշակութային կենտրոնի մի մասն է կազմելու:
Նշվում է, որ Ուրֆայում գտնվող հայկական եկեղեցու մի մասը փլուզվել է երկրաշարժի հետևանքով, իսկ մյուս մասը՝ վերածվել մզկիթի։
Ուղիղ խոսք
Անկարայում հարձակում TUSAŞ-ի վրա․ մանրամասներ և վերլուծություն
ամենաշատ ընթերցված
Որոնման աշխատանքների մեջ ներգրավված է «Թուրքիայի նավթային կորպորացիայի» (TPAO) 200 հոգուց բաղկացած անձնակազմ և 30 տեխնիկա։
Թուրքիայի արտգործնախարար. «Պետք է բախում չենթադրող փոխադարձ մեխանիզմ ստեղծվի այնպես, ինչպես դա արել ենք ԱՄՆ-ի և Ռուսաստանի հետ»:
Նիստին անձամբ մասնակցելու է Թուրքիայի նախագահ Ռեջեփ Թայիփ Էրդողանը:
Օդանավակայանում գործարկված նոր համակարգով կարելի է միաժամանակ թռիչքներ ու վայրէջքներ իրականացնել բոլոր թռիչքուղիներով:
Թուրքիայում գործող մերձիշխանական թերթում հոդված է հրապարակվել, որում գլխավոր ընդդիմադիր ուժը համարվող ԺՀԿ-ն մեղադրվում է ներքին խարդավանքների մեջ:
Օրացույց
Հարցումներ
Այս տարի կբացվի՞ հայ-թուրքական սահմանը 2 երկրների քաղաքացիների համար:
արտարժույթ
| EUR | TRY | USD |
| 549.84 | 90.05 | 485.12 |