Գիտակրթական10:31, 14 Դեկտեմբեր 2013
Հայկական հարցով զբաղվող ուսանողների համարակալման հարցը` Թուրքիայի խորհրդարանում
Թուրքիայում գլխավոր ընդդիմություն հանդիսացող և
խորհրդարանական ընդդիմությունում մեծամասնություն կազմող «Ժողովրդահանրապետական»
կուսակցության (ԺՀԿ-CHP) նախագահի օգնական, պատգամավոր Սեզգին Թանրըքուլուն մեջլիսում
բարձրացրել է Հայկական հարցի ուսումնասիրութամբ զբաղվող ուսանողների համարակալման
հարցը:
Միջանկյալ նշենք, որ օրերս Ստամբուլի հայկական «Ակոս» թերթի տարածած տեղեկության համաձայն` «Թուրքական պատմագիտական ընկերությունը» (KKT) «Բարձրագույն ուսումնական խորհրդի» (YÖK ) միջնորդությամբ Թուրքիայի համալսարաններ է ուղարկել գրություն` պահանջելով Հայկական հարցի թեմայով ուսումնասիրություններ կատարող ուսանողների տվյալները:
Հիշեցնելով Հայկական հարցի ուսումնասիրությամբ զբաղվող ուսանողներին համարակալելու մասին մամուլի հրապարակումները` թուրք պատգամավորը
Խորհրդարանի օրակարգ է բերել այդ հարցը` պահանջելով որ
պատասխանով հանդես գա կառավարության ղեկավարը` Ռեջեփ Թայիփ Էրդողանը: Ըստ
թուրքական «Գերչեքգյունդեմ» կայքի` պատգամավորը նախ ցանկացել է, ի վերջո, պարզել`
Հայկական հարցի ուսումնասիրությամբ զբաղվող ուսանողների անունները, թեմաները և
կոնտակտային տվյալները «TTK» է պահանջե՞լ,
թե° «YÖK»-ը, ապա շարունակել.
«Արդյո՞ք դա նշանակում է, որ 2015-ին` 100-ամյա տարելիցին ընդառաջ, փորձ է արվում ճնշում գործադրել այդ թեմատիկայով կատարվող աշխատություններում պաշտոնական թեզերն ամրապնդելու համար: Արդեն քանի՞ ուսանողների տվյալներ են ձեռք բերվել, ի՞նչ նպատակով, ի՞նչ իրավունքով: «YÖK»-ը նախկինում հավաքագրո՞ւմ էր նման տվյալներ: Կապ հաստատվե՞լ է այդ ուսանողների հետ, եթե այո, ապա ովքեր են եղել հանդիպողները: Մի՞թե խոսքը նրա մասին է, որ 1915-ին կատարվածը որպես Հայոց ցեղասպանություն ընդունող ուսանողները զրկվեն «TTK»-ի կրթաթոշակից: Եթե այո, ապա արդեն քանի՞ ուսանողներ են զրկվել այդ կրթաթոշակից»:
Սպասվում է, որ Թուրքիայի կառավարությունից կարձագանքնեն ընդդիմադիր պատգամավորին:
Ermenihaber.am
Այս ենթաբաժնի վերջին նորությունները
Գիրքը տպագրվել է Ստամբուլի Օրթաքյոյ թաղամասի Սուրբ Մարիամ Աստվածածին եկեղեցու հիմնադարմի հովանավորությամբ։
Դասընթացը անցկացվում է Ադրբեջանի դեսպանատանն առընթեր գործող «Ադրբեջանի մշակութային կենտրոնի» մեկնարկած ծրագրի շրջանակներում։
Գամբիայի զինված ուժերի անձնակազմը թուրքերենի դասեր է անցնում, որպեսզի կրթությունը շարունակի Թուրքիայում։
Ուղիղ խոսք
Անկարայում հարձակում TUSAŞ-ի վրա․ մանրամասներ և վերլուծություն
ամենաշատ ընթերցված
Այդ համագործակցության մասին առաջին անգամ հայտարարել է «Ռոսատոմ» ատոմային էներգետիկ պետական ընկերության ղեկավար Ալեքսեյ Լիխաչովը:
Հունական «Kathimerini» թերթը գրում է, որ Նյու Յորքում կայացած հունական սփյուռքի միջոցառման ժամանակ այդ մասին հայտնել է Գրեգորի Միքսը։
Գեդեոն Սաարի հայտարարությանն արձագանքել է Թուրքիայի արտաքին գերատեսչությունը այն համարելով լկտի հայտարարություն։
«Hürriyet» թերթի վերլուծաբան Աբդուլքադիր Սելվին անդրադարձել է «ՔԲԿ»-ի հիմնադիր առաջնորդ Աբդուլլահ Օջալանի (Ափո) զենքերը վայր դնելու և կուսակցությունը լուծարելու կոչին։
Այդ մասին հայտարարություն է տարածել Թուրքիայի նախագահականին կից հանրային կապերի վարչությունը։
Օրացույց
Հարցումներ
Այս տարի կբացվի՞ հայ-թուրքական սահմանը 2 երկրների քաղաքացիների համար:
արտարժույթ
| EUR | TRY | USD |
| 549.84 | 90.05 | 485.12 |