ERMENI HABER AJANSI

«Հայրենիքի մշակույթի, լեզվի, պատմության, ազատության համար պայքարի գործում կարևոր ներդրում ունեցած մտավորական, գրող և ակտիվիստ Սևան Նիշանյանին կաշառակերության սկանդալի հետ միաժամանակ  առանց աղմուկի ուղարկում են ճաղերի ետև»,-գրում է սյունակագիր Սաիթ Չեթինօղլուն:

Թուրքական «Դեմոկրատ հաբեր» լրատվական կայքում հրապարակված իր հոդվածում նա նշել է, որ Նիշանյանի դեպքը մի քանի տեսակյունից կարելի է դիտարկել:

1. Խոսքի ազատության տեսանկյունից

Ազատ ձայնն իր գաղափարների պատճառով դատապարտելը ռիսկային է:  Եվ այդ պարագայում ամենալավ տարբերակը մի  հանցանք հարմարեցնելն ու պատժելն է: Վերջին  շրջանում նման մեթոդով դատապարտվել են բազմաթիվ գրողներ, թերթեր, ամսագրեր, հրատարակչություններ: Սևան Նիշանյանի դեպքն օրենքը քաղաքական նպատակների գործիք դարձնելու վառ օրինակ է:

2. Հայերի ունեցվածքի  բռնազավթման տեսանկյունից

Երիտթուրքական ավազակախմբի՝  հայերի ունեցվածքի համակարգված կերպով բռնազավթելու գագաթնակետներից մեկը 1963 թվականին Սահմանադրական դատարանի կողմից հայերի ունեցվածքը պետականացնելու որոշումն էր: Սևանին էլ սեփական գույքի վերանորոգումից հետո վախեցնելով ունեցվածքը փորձեցին բռնազավթել: Սևանն էլ ունեցվածքը Նեսին հիմնադրամին նվիրաբերեց՝ ասելով. «Եթե հայ եմ, ապա առանց պահանջելու պետք է տամ»:  Սակայն նրան  իրեն չպատկանող մեկսենյականոց գյուղական տան պատճառով 4 տարվա բանտարկության դատապարտեցին:

3. Կաշառակերության տեսանկյունից

Մի կողմից աշխարհի աչքի առաջ կայսրության մայրաքաղաք Ստամբուլը քաղաքաշինության նախարարության հետ միասին բետոնապատ տարածքի են վերածել , սակայն դա անող մարդիկ անձեռնամխելի են:  Իսկ մյուս կողմից Շիրինջեում սուղ միջոցնեով ստեղծված դրախտը քննարկումների առարկա է դարձել:  Որտե՞ղ են գյուղական մեկսենյականոց տան պատճառով  4 տարի բանտարկության դատապարտում:

4. Հայկական ծագման տեսանկյունից

Անընդունելի է, երբ թեկուզ մեկ հայ չի ընկճվում: Պետության հզորների աչքի առաջ  Սևանը իսլամի առասպելաբանության դեմ է խոսել: Երբ թերթերում ամեն օր քրիստոնեության դեմ նյութեր են գրում, դա ոչինչ, իսկ ահա իսլամի դեմ երկտող գրելու պատճառով Սևանին դատապարտում են 13.5 ամսվա ազատազրկման: Մինդեռ իրականում պատճառը նրա հայ լինելն է:

5. Հայոց ցեղասպանության 100 ամյակի տեսանկյունից

Պետությունը, որն ամեն կողմից պատրաստվում է 2015 թվականին, պետք է ամենաազդեցիկ մարդկանցից մեկին լռեցներ:

Այս հողերում 20-րդ դարում մեկուկես միլիոն հայ է սպանվել: Հրանտի սպանության ժամանակ 1.500.000+1, զինվորական ծառայության ժամանակ «կատակով» սպանված Սևակ Բալըքչըն 1.500.000+2  են ասում, իսկ Սևանի դատապարտումից հետո  1.500.000+3  են ասում:

Պետք է չլռել և անսասան կանգնել ցեղասպանության 100 ամյակին արդարություն փնտրող հայ ժողովրդի կողքին, որպեսզի «1.500.000+3»-ը չավելանա այլևս:

Ermenihaber.am