Թուրքիայում հակակոռուպցիոն սկանդալը բացասաբար կազդի տնտեսության վրա

Տնտեսական09:00, 23 Դեկտեմբեր 2013

Թուրքիայում հակակոռուպցիոն սկանդալը բացասաբար կազդի տնտեսության վրա

Թուրքիայում իրականացված աղմկահարույց հակակոռուպցիոն օպերացիան, որը կապվում է Թուրքիայի կառավարության հետ, քաղաքական մեծ վնաս վերաբերյալ շահարկումների տեղիք է տվել:

Այս մասին գրում է թուրքական «Զաման» թերթի սյունակագիր Ժուստ Լագենջիկը:
Նա հայտնում է, որ Թուրքիայում ամենակարևոր հարցերից մեկը, իհարկե, այն է, թե այդ սկանդալը ինչպես կանդրադառնա հաջորդ տարվա ընտրությունների վրա: «Արդյո՞ք իշխող «Արդարություն և զարգացում» կուսկացությունը իսկապես կորցրել է իր կարևոր որակներից մեկը՝ ապօրինությւոնների դեմ շիտակ պայքարողի իր կեցվածքը, թե՞ թուրքական քաղաքականության դասական օրինակով, արտաքին ուժերին մեղադրելով, դավադրության տեսություններ ստեղծելով, հանրության ուշադրությունը կշեղի և կկարողանա վնասը վերացնել»,- գրում է վերլուծաբանը:

Նա ուշադրություն է հրավիրում այն հանգամանքի վրա, որ երկրի կառավարությունը, ինչպես Գեզի զբոսայգու դեպքերը, այնպես էլ 2-րդ անգամ հաջորդած հասարակական լարվածության պատճառները հասկանալ փորձելու, կամ էլ ծանր և փաստարկված մեղադրանքները լրջորեն հետաքննելու փոխարեն փորձում է ներկայացնել, որ Թուրքիան երկրի առաջխաղացումը խոչընդոտող մութ ուժերի զոհն է դարձել:

Դա կարող է իշխող կուսակցության ընտրազանգվածին համոզել և փրկել կուսակցությունը պարտությունից, սակայն կառավարության նկատմամբ արտասահմանյան վստահությանը և հարգանքին ծանր հարված է հասցվում:

Վստահության կորուստը հատկապես Թուրքիայի տնտեսության վրա կարճաժամկետ հատվածում կործանարար ազդեցություն կարող է ունենալ:

Վերլուծաբանը մեջբերում է նաև 10 և ավելի տարների Թուրքիայում աշխատող գործարարի կարծիքը երկրում ստեղծված իրավիճակի մասին: Վերջինս նշել է, որ բարձրաստիճան անձանց նկատմամբ կառուպցիայի մեղադրանքներն իրեն բնավ չեն զարմացրել: Առանց իշխող կուսակցության հետ լավ հարաբերությունների և, ինչպես երևում է, մեծ չափերի կաշառքի, հնարավոր չէ շատ շահավետ էներգետիկ ոլորտի մրցույթում հաղթել:

Ըստ արտասահմանցի գործարարի՝ վերջին սկանդալն ընկերությունների, որոնք չեն վստահում կառավարության թափանցիկությանը և քաղաքականության կանխատեսելիությանը, կարճաժամկետ ներդրումների վրա միանշանակ բացասական ազդեցության կունենա:

Հիշեցնենք, որ դեկտեմբերի 17-ին Ստամբուլում և Անկարայում ոստիկանության կողմից իրականացված հակակոռուպցիոն խոշոր օպերացիայի ժամանակ ձերբակալվել էին նախարարների ու գործարարների որդիներ: Ավելի քան 5 տասնյակ ձերբակալվածների թվում են եղել Թուրքիայի ներքին գործերի նախարար Մուամմեր Գյուլերի, Էկոնոմիկայի նախարար Զաֆեր Չազլայանի ու քաղաքաշինության նախարար Էրդողան Բայրաքթարի որդիները:

Թուրքիայի ընդդիմության պահանջել է հեռացնել գործին առնչվող նախարարներին: Իսկ գլխավոր ընդդիմադիր «Ժողովրդահանրապետական» կուսակցության առաջնորդ Քեմալ Քըլըչդարօղլուն խայտառակությունն համարել այն է, որ կոռումպացված նախարարներն իրենց պաշտոններին են:

Թուրքիայում իշխող «Արդարություն և զարգացում» կուսակցության մամուլի խոսնակ Հուսեյին Չելիքը հայտնել է, որ Թուրքիայի կառավարության կազմում փոփոխություններ կարող են տեղի ունենալ հաջորդ շաբաթ:

Ermenihaber.am