ERMENI HABER AJANSI

Թուրքիայի «Ժողովուրդների դեմոկրատական կուսակցության»  (ԺԴԿ-HDP) համանախագահներ Սեբահաթ Թունջելը և Էրթուղրուլ Քյուրքչյուն գրավոր հայտարարություն են տարածել՝ ի պատասխան «Քրդական համայնքների միության» գործադիր խորհրդի համանախագահ Բեսե Հոզաթի հայտարարությանն այն մասին, թե հայերը, հույները, հրեաները կապված են «զուգահեռ պետության» հետ: Այս մասին հայտնում է  թուրքական «Դեմքրատ հաբեր» լրատվական կայքը:

Սեբահաթ Թունջելի և Էրթուղրուլ Քյուրքչյուի գրավոր հայտարարության մեջ նշվում է, որ հասարակությունից, պետությունից, օրենքից, քաղաքականությունից դուրս մղված և հաճախ խտրական վերաբերմունքի զոհ դարձած հայերի, հույների և հրեաների ինքնությունը «զուգահեռ պետության» հետ չի կարող կապակցվել:

Նշվում է, որ ԺԴԿ-ում, որը  պայքարում է անցյալում տեղի ունցած հայերի ասորիների ցեղասպանության, հույների տեղահանության  և աքսորի, Թուրքիայի և Հունաստանի միջև բնակչության փոխանակման պատճառով պատճառով եղած կորուստների հատուցման  և  ժողովուրդների վերադարձի համար, ընդգրկված են Թուրքիայում ապրող գրեթե բոլոր ազգերի ներկայացուցրները՝ հայեր, հույներ, հրեաներ, չերքեզներ, լազեր, քրդեր, թուրքեր և այլն:

Կուսակցության ներկայացուցիչներն ընդգծել են, որ երկար ժամանակ պաշտոնական ժխտողականության և ոչնչացման դեմ պայքարող քուրդ ժողովրդի հեղափոխական ներկայացուցիչները պետք է նախընտրեն արտահայություններ, որոնք կվերակենդանացնեն նույն տարածքում ապրող ժողովուրդների հավասարության և եղբայրության գաղափարը  և կամրապնդեն համագործակցությունը հանուն պայքարի:

Հիշեցնենք, որ «Քրդական համայնքների միության» (KCK-ՔՀՄ) գործադիր խորհրդի համանախագահ Բեսե Հոզաթը հայտարարել էր, որ Թուրքիայի ներսում ստեղծվել են կառույցներ, որոնք, ըստ էության, պետություն են պետության մեջ՝ դրանք անվանելով «զուգահեռ պետություններ»: Նա մասնավորապես մատնանշել էր Ֆեթուլլահ Գյուլենի համայնքը, հայկական, հունական ու իսրայելական լոբբիները:

Նախորդող հրապարակումներ՝
http://ermenihaber.am/?lang_id=2&news_=4&cur_news=1353

Ermenihaber.am