Կոռուպցիոն սկանդալի շրջանակներում Էրդողանի որդու գործին կրկին ընթացք է տրվել

Իրավական11:22, 03 Փետրվար 2014

Կոռուպցիոն սկանդալի շրջանակներում Էրդողանի որդու գործին կրկին ընթացք է տրվել

Թուրքիայի վարչապետ Ռեջեփ Թայիփ Էրդողանի որդու՝ Նեջմեթին Բիլալ Էրդողանի գործով նորից քննություն կանցկացվի:

Թուրքիայում կոռուպցիայի և կաշառակերության 2-րդ հետաքննության գործով նորանշանակ դատախազները որոշում են կայացրել կրկին քննության առնել գործով անցնող Նեջմեթթին Բիլալ Էրդողանին առնչվող դոսյեն:

Նախկինում հետաքննությունն իրականացնող դատախազ Մուամմեր Աքքաշը նույն գործի շրջանակներում Բիլալ Էրդողանին և 41 գործարարի հարցաքննության էր կանչել: Սակայն Աքքաշը հեռացվել էր գործի վարույթից: Գործը տրվել էր 4 դատախազների, որոնք, մեկ ամիս ուսումնասկիրելով գործը, կրկին որոշել են 41 գործարարներին հարցաքննության կանչել: Այս մասին տեղեկացնող թուրքական «Ջումհյուրյեթ» թերթը հայտնում է, որ կասկածյալները մոտ օրերին ցուցմունք տալու համար դատախազություն կներկայանան:

Նշվում է, որ Բիլալ Էրդողանի հարցաքննության կանչելու վերաբերյալ դեռևս որևէ որոշում չի կայացվել: Դատախազները դեռևս շարունակում են նրա գործի քննությունը և միայն այն ավարտելուց հետո կորոշեն կանչել Էրդողանին հարցաքննության, թե ոչ:

Հիշեցնենք, որ դատախազ Աքքաշի կողմից Բիլալ Էրդողանին ուղարկված հարցաքննության ներկայանալու ծանուցագիրը վերջինս չէր ստացել: Թուրքական լրատվամիջոցները պնդում էին, որ Թուրքիայի վարչապետի որդին փախել է և թաքնվում է Բաքվում:

Ermenihaber.am

Այս ենթաբաժնի վերջին նորությունները

11:59, 22 նոյ

Թուրքիան ներառված չէ այն երկրների ցանկում, որտեղ Իսրայելի վարչապետը չի կարող մեկնել

Միջազգային քրեական դատարանն Իսրայելի վարչապետին և նախկին պաշտպանության նախարարին «պատերազմական հանցագործության» մեղադրանքով ձերբակալելու որոշում էկայացրել։

13:07, 20 նոյ

ԱՄՆ-ն պատժամիջոցներ է սահմանել Թուրքիայում գտնվող ՀԱՄԱՍ-ի անդամների դեմ

ԱՄՆ-ի ֆինանսների նախարարությունը հրապարակել է Պաղեստինի Գազայի հատվածում իշխող «ՀԱՄԱՍ» խմբավորման անդամների նոր ցուցակ, ովքեր հայտնվել են պատժամիջոցների տակ։