Ֆեթուլլահ Գյուլենի փաստաբանը դատի է տալիս թուրքական երկու օրաթերթի

Իրավական07:45, 03 Փետրվար 2014

Ֆեթուլլահ Գյուլենի փաստաբանը դատի է տալիս թուրքական երկու օրաթերթի

Գյուլենական իսլամական շարժման առաջնորդ Ֆեթուլլահ Գյուլենի փաստաբան Նուրուլլահ Ալբայրաքը պատրաստվում է դատի տալ Թուրքիայում հրապարակվող «Սաբահ» և «Թաքվիմ» պարբերականներին: Համապատասխան դատական հայցը ներկայացվելու է Անկարայի հանրապետական գլխավոր դատախազություն:

Փաստաբանի պարզաբանմամբ` նշյալ երկու թերթերը ոտնահարել են Մարդու իրավունքների եվրոպական կոնվենցիայով և Թուրքիայի սահմանադրությամբ ամրագրված «անձնական կյանքի գաղտնիության» և «անձի հաղորդակցության գաղտնիության» իրավունքները: Ալբայրաքը նկատել է տալիս, որ վերոնշյալ պարբերականները, մամուլում և համացանցում հրապարակելով Գյուլենի գաղտնալսված հեռախոսազրույցները, ըստ էության կոպտորեն խախտել են Թուրքիայի քրեական օրենսգրքի 132 և 125 հոդվածները: Փաստաբանը համարում է, որ Գյուլենի անձնական կյանքին վերաբերող երկխոսությունների հանրայնացումը դիտվում է որպես ոտնձգություն նրա պատվի և բարի համբավի դեմ:

Նշենք, որ Ամերիկայի Միացյալ Նահանգներում բնակովղ թուրք միլիարդատեր Ֆեթուլլահ Գյուլենը հզոր իսլամական շարժման առաջնորդ է և բազմաթիվ մահմեդական երկրներում, այդ թվում և Թուրքիայում ազդեցիկ լծակներ ունի: Վերջին շրջանում Թուրքիայում ծագած կոռուպցիոն սկանդալը կապվում է Էրդողան-Գյուլեն հակամարտության հետ: Իսկ նախկինում գյուլենական համայնքը միշտ դիտվել է որպես Էրդողանի վարչակազմի վարած իսլամական քաղաքականությունը սատարող ուժ:

Ermenihaber.am

Այս ենթաբաժնի վերջին նորությունները

11:59, 22 նոյ

Թուրքիան ներառված չէ այն երկրների ցանկում, որտեղ Իսրայելի վարչապետը չի կարող մեկնել

Միջազգային քրեական դատարանն Իսրայելի վարչապետին և նախկին պաշտպանության նախարարին «պատերազմական հանցագործության» մեղադրանքով ձերբակալելու որոշում էկայացրել։

13:07, 20 նոյ

ԱՄՆ-ն պատժամիջոցներ է սահմանել Թուրքիայում գտնվող ՀԱՄԱՍ-ի անդամների դեմ

ԱՄՆ-ի ֆինանսների նախարարությունը հրապարակել է Պաղեստինի Գազայի հատվածում իշխող «ՀԱՄԱՍ» խմբավորման անդամների նոր ցուցակ, ովքեր հայտնվել են պատժամիջոցների տակ։